Оқуға түсушілерге 2017
KZ
RU
EN

«Әл-Фараби» Республикалық Олимпиадасы

 

11-сынып оқушылары үшін "Әл-Фараби" Республикалық олимпиадасын өткізу туралы ақпараттық хат 

 "Әл-Фараби" Республикалық олимпиадасына тіркелу                                

Дарынды оқушыларға қолдау көрсету және шығармашылық қабілеттерін анықтау мақсатында Республикалық ғылыми-практикалық "Дарын" орталығының басшылығымен "әл-Фараби" атындағы Қазақ ұлттық университеті жыл сайын Қазақстан республикасынң білім беру ұйымдарының 11-сынып оқушыларына арналған "Әл-Фараби" Республикалық олимпиадасын өткізеді.

Қазақстан Республикасының Білім және ғылым министрі 2014 жылдың 12-қарашасындағы №460 бұйрығына сәйкес Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесіне "Әл-Фараби" Республикалық олимпиадасы еңгізілген.

2007 жылдың 27 шілдесіндегі Қазақстан Республикасының «Білім туралы» заңына сәйкес Қазақстан Республикасының Білім және ғылым министрлігінің I, II, III дәрежелі дипломмен марапатталған жеңімпаздар мен жүлдегерлер ЖОО-на түсу үшін білім беру грантына ие болуына олардың олимпиада барысында таңдаған мамандығына сәйкес артықшылықтар мен құқылы болуға септігін тигізеді.

Республикалық олимпиада үш кезеңде өтеді. Бірінші және екінші кезеңдер on-line түрде www.kaznu.kz сайтында өтеді. Үшінші кезең әл-Фараби ат. ҚазҰУ-де өтеді.

Олимпиада келесі пәндер бойынша жүргізіледі: ағылшын тілі, биология, дүниежүзі тарихы, география, информатика, Қазақстан тарихы, қазақ тілі және әдебиеті, математика, неміс тілі, орыс тілі және әдебиеті, физика, француз тілі, химия.

Сонымен қатар, Сіздердің назарларыңызға Республикалық олимпиада бойынша www.kaznu.kz сайтында онлайн-түрде 2016 жылдың 15-желтоқсанынан ақпан айының 6-на дейін байқау тесті түрінде жүргізіледі. Бірінші кезең 2017 жылдың ақпан айының 8-жұлдызында Астана уақытымен Алматы қ., Астана қ., Ақмола, Алматы, Қостанай, Павлодар, Қарағанды, Солтүстік Қазақстан облыстарында сағат 11:00-ден 12:00 аралығында және ақпан айының 9-жұлдызында Атырау, Ақтөбе, Маңғыстау, Батыс Қазақстан, Шығыс Қазақстан, Жамбыл, Оңтүстік Қазақстан, Қызылорда облыстарында сағат 11:00-ден 12:00 аралығында өткізіледі.

           Сұрақтар бойынша мына телефонға хабарласыңыздар:  8(727) 2925717 (ішкі. 21-75)

 

            Барлық 11-сынып оқушыларын олимпиадаға қатысуға шақырамыз!

 

 

 

«Әл-Фараби» РЕСПУБЛИКАЛЫҚ ОЛИМПИАДАСЫ –

БІЛІМ ЖОЛЫНДАҒЫ АЛҒАШҚЫ ҚАДАМ

«Әл-Фараби» республикалық олимпиадасы Қазақстан Республикасы Бiлiм және ғылым министрлiгi мен «Дарын» республикалық ғылыми-практикалық орталы­ғының қолдауымен әл-Фараби атындағы Қазақ ұлттық уни­вер­ситетiнде (бұдан әрi – әл-Фараби атындағы ҚазҰУ) 2009 жылдан бастап жүргiзiліп келеді.

Бұл олимпиадаға Қазақстанның барлық өңірлерінен 45 мыңнан астам оқушы қатысты.

 

Олимпиаданың негізгі мақсаттары және міндеттері - оқушылардың шығармашылық қабілеттерін анықтау, білімді насихаттау, дарынды оқушыларды қолдау, ғылыми-зерттеу қызметіне деген қызығушылықтарын дамыту және жастардың интеллектуалдық дамуына жағдай жасау.

Олимпиада жалпы білім беретін 13 пән бойынша өткізіледі:

математика, физика, химия, биология, география, информатика, Қазақстан тарихы, дүниежүзi тарихы, қазақ тiлі және әдебиеті, орыс тiлi және әдебиеті, ағылшын тiлi, немiс тiлі, француз тiлі.

Олимпиадаға ҚР білім беру мекемелерінің ( жалпы білім беретін мектептер, лицейлер, гимназиялар ) 11-12 – сынып оқушылары қатысады.

Олимпиада өткізудің кезеңдері мен ережелері  

-          Қатысушылардың «Әл-Фараби» Республикалық олимпиадасына тіркелуі

-          Олимпиада 3 кезеңнен тұрады:

І кезең on-line түрде өткізіледі

I кезең 30 сұрақтан тұрады, әр дұрыс жауапқа 1 балл беріледі;

 

ІІ кезең on-line түрде өткізіледі

ІI кезең 30 сұрақтан тұрады, әр дұрыс жауапқа 1 балл беріледі; ( 2-ші кезеңдегі пән бойынша тест сұрақтары

- ұсынылған жауаптардың біреуін таңдау;

- өз жауабын енгізу ретінде беріледі);

 

 

III кезең Алматы қаласында ҚазҰУ қабырғасында оқушылардың қатысуымен өтеді.

III кезең екі бөлімнен тұрады:

• эссе жазу, есептер шығару;

• ғылыми (қатысушылардың жоба бойынша жасаған жұмысы).

 

Олимпиаданың І, ІІ кезеңдерін өткізу ережелері:

Кестедегі белгілі бір уақытта қатысушы http://online-test.kaznu.kz сайтына кіреді.

Қатысушы 1 және 2-кезеңге интернетке шығу мүмкіндігі бар (мектепте, үйде және т. б.) жерлерде қатыса алады.

Қатысушы тіркелуден өтеді (өзі туралы деректерді тек кириллица қаріпінде толтырады, латынша толтырылған деректер қарастырылмайды).

 

Олимпиада жеңімпаздары: әрбір пән бойынша үздік нәтиже көрсеткен қатысушылар жеңімпаз атанады және ҚР БҒМ-нің І, ІІ және ІІІ дәрежелі дипломдарымен марапатталады.

 

Олимпиада жеңімпаздары дипломдармен марапатталады және әл-Фараби атындағы ҚазҰУ-ға түсу кезінде артықшылық құқыққа ие болады.

 

ҚазҰУ – жетістікке апарар жол!

Обратная связь

* Имя
* E-mail
Ваше сообщение