Құқықтану

Бағдарламаның мақсаты – азаматтық қоғамды дамытуға, адам құқықтарын қорғауға, құқық қорғау қызметінде, мемлекеттік басқару аясында қызмет етуге бағдарланған, жоғары құқықтық мәдениеті мен құқықтық қызметтің тәжірибелік дағдылары бар, қолданыстағы заңнамаға сыни баға бере алатын, құқық нормаларын білікті түсіндіре алатын, құқықтық мәселелер бойынша шешімдер қабылдауды негіздей алатын құқықтану саласында жоғары білікті мамандар даярлау.

1. адам құқықтарын қамтамасыз ету саласында терең заманауи білімді көрсету;
2. нормативтік құқықтық актілерді білікті түсіндіру;
3. адам құқықтары мен бостандықтарын қамтамасыз етуде қазіргі және тарихи оқиғаларды талдау кезінде оқылатын теорияларды қолдану;
4. азаматтық заңнаманың даму механизмдері мен факторларын түсіну;
5. мемлекеттік басқару органдарының қызметін талдау және оңтайлы басқару шешімдерін қабылдауға қабілетті болу;
6. азаматтық іс жүргізу құқығы теориясының жаңа жетістіктерін сыни бағалау және түсіндіру және азаматтық іс жүргізу нормаларының ерекшеліктерін анықтау, оларды жетілдіру тетіктерін әзірлеу;
7. аграрлық кәсіпкерлік саласындағы заңнаманы жетілдіру мен дамытуды талдау;
8. заң қызметінің нақты салаларында нормативтік құқықтық актілерді білікті қолдануды және кәсіби қызметте материалдық және іс жүргізу құқығының нормаларын іске асыруды көрсету;
9. қаржылық құқықтық қатынастардың әлемдік тенденциялары мен даму динамикасын, олардың теориялық және тәжірибелік мәселелерін жүйелі түсіну және бағалау;
10.құқық бұзушылықтар мен қылмыстарды анықтау, алдын алу, ашу және тергеу іскерлігін көрсету;
11. қылмыстық қудалау органдарының қызметін жетілдіру бойынша нақты ұсыныстарды қалыптастыру және негіздеу;
12. алынған білімді қолданбалы зерттеулер ой тұжырымдарын дамыту және қолдану үшін пайдалану.