СМИ о КазНУ

25.08.2011 / 17:44

Студенттік құрылыс жасағында еңбек ету - Елбасының жастарға артқан сенім үдесінен шығу - Жұмағали Есенбек

АЛМАТЫ. 25 тамыз. ҚазАқпарат /Әділет Мұсахаев/ - Халық даналығында «Ердің атын еңбек шығарады», «Еңбек ерлікке жеткізер, Ерлік елдікке жеткізер», «Бақыт кілті еңбекте» тағысын-тағы еңбекке қатысты мақалдар мен мәтелдер тізіліп кете береді. Бұл қай заманда да еңбектің маңызын көрсететін қанатты сөздер. Бүгінде ел тұтқасын ұстап, халық қалаулысы болып отырған элиталы топтың кей-кейде естелігін оқи қалсаңыз да билікке, атаққа, мансапқа жетуде зор еңбектің күшімен келгенін аңғарасыз. Нағыз еңбек қанат жайған кезде ғана қай қызметтің болсын беделі асқақ, халық игілігіне жарамағы бар.

Осы орайда бірі болашақ журналист, бірі заңгер, бірі қаржыгер, енді бірі болашақ дипломаттар өздерін еңбекке баулуды студенттік шақтан бастауы - олардың болашағынан зор үміт күттірсе керек. «Бүгінгі жастар еңбек мәдениетін қалай түсініп, қалай жүзеге асыруда?» деген мақсатпен, Әл-Фараби атындағы Қазақ ұлттық университеті Cтуденттік құрылыс жасақтары штабының бастығы Жұмағали Есенбекпен сұқбаттасқан едік.

25.08.2011 / 16:43

Ел Конституциясы - бұл бiздiң басты құндылығымыз және саяси бағдарымыз - В.Сальников

АЛМАТЫ. 25 тамыз. ҚазАқпарат /Әділет Мұсахаев/ - 1995 жылдың 30 тамызындағы ең негізгі Заңның қабылдануы ел тарихындағы ең маңызды оқиға болды. Бұл жөнінде Әл-Фараби атындағы Қазақ ұлттық университеті география және табиғатты пайдалану факультетінің деканы, география ғылымдарының докторы Виталий Сальников ҚазАқпарат тілшісіне пікір білдіру кезінде айтты.

Оның айтуынша, қазақстандықтар өз таңдауларын жасап, демократияның тарихи даму жолында екендігін растаған. «Конституция бiртұтас және халықаралық бiрлестiктiң бөлiнбейтiн бөлiгi, Қазақстан адам құқығы мен бостандығын жоғарғы құндылық деп жариялап, мәртебесiн нығайтып, әрбiр қазақстандықтың дамуға деген жағдайын жасап отыр. Ол көп ұлттық, заңға сүйенген, демократиялы мемлекетті қалыптастырды»,-дейді декан.

25-31 тамыз, 2011 жыл

Ұлттық зерттеу университетіне айналады

әл-Фараби атындағы Қазақ ұлттық университетінің Ректорат мәжілісінде кафедра меңгерушісі лауазымына тағайындау байқауының нәтижесі жарияланды. Байқауға 120-дан астам үміткер қатысты. Нәтижесінде, бұрынғы 99 кафедраның орнына ірілендірілген 63 кафедра жасақталды. Орташа жас мөлшері 53 жасқа сай келеді.

Ректорат мәжілісінде байқау нәтижесі жарияланып, әл-Фараби атындағы Қазақ ұлттық университетінің ректоры мен кафедра меңгерушілері жұмыс келісім-шартына қол қойды. Өз кезегінде ҚазҰУ ректоры Ғалымқайыр Мұтанов жаңа оқу жылында жаңа қызметке тағайындалған кафедра меңгерушілерін құттықтап, қызметінен босатылған бұрынғы кафедра меңгерушілерінің табысты атқарған еңбектеріне алғыс айтып, «Құрмет грамотасымен» марапаттады.

24 тамыз, 2011 жыл

Әл-Фараби атындағы Қазақ ұлттық университеті жаңа оқу жылын жаңа бағдарламамен бастайды

Әл-Фараби атындағы Қазақ ұлттық университетінде толық жаңғырту үдерісі жүріп жатыр. Биылғы оқу жылына ҚазҰУ әлемдік деңгейдегі зерттеу университетінің үлгісін толықтай жасап болдық деуге болады. Мұндай жаңғыруды жүзеге асырған әл-Фараби атындағы Қазақ ұлттық университеті жаңа оқу жылын жаңа оқу бағдарламасымен бастамақ. Аталмыш өзгерістер бүгін өткен ҚазҰУ оқытушы-профессорлар құрамының тамыз кеңесінде айтылды.

- Биыл Елбасы Қазақстан халқына арналған дәстүрлі Жолдауында әлеуметтік жаңғыруды қоғам алдындағы үлкен мақсат ретінде қойды. Осы бағытта жоғары оқы орындарының орны ерекше. Университеттер қаншалықты білімді, толыққанды бәсекеге қабілетті мамандар дайындайтын болса, соған байланысты қоғамымыз дамиды. Биылдан бастап біз әлемдік негізге сүйене отырып, барлық оқу бағдарламаларын өзгерттік. Басты мақсат - түлектер университет қабырғасынан шыққан кезде бәсекеге қабілетті болуы керек. Мұның бәрі олар жұмыс іздеп жүрмей, өздері жұмыс орнын жасасын деген бағытта атқарылып жатыр, - дейді әл-Фараби атындағы Қазақ ұлттық университетінің ректоры Ғалымқайыр Мұтанұлы.

24.08.2011 / 17:00

Әл-Фараби атындағы ҚазҰУ талапкерлер мен магистранттар үшін оқу ақысында жеңілдік пен төмендетудің кеңейтілген жаңа жүйесін енгізді - Гүлнәр Балақаева

АЛМАТЫ. 24 тамыз. ҚазАқпарат /Ерлік Ержанұлы/ - Әл-Фараби атындағы Қазақ ұлттық университетінде жаңа оқу жылында ақылы бөлімдегі үздік оқитындарға - 20 пайыз, ал үлгерімі жақсы студенттерге 15 пайыз жеңілдік беріледі. Бұл бүгін Алматыдағы жоғары оқу орнының профессор-оқытушылар құрамының дәстүрлі тамыз кеңесінде айтылды.

24.08.2011 / 16:48

Әл-Фараби атындағы ҚазҰУ-ға бүгінгі таңда білім берудің 3 сатысы бойынша 4001 адам грантпен оқуға қабылданды - Гүлнәр Балақаева

АЛМАТЫ. 24 тамыз. ҚазАқпарат /Ерлік Ержанұлы/ - Әл-Фараби атындағы Қазақ ұлттық университетінде жаңа оқу жылында жаңадан 13 мамандық ашылды. Бұл бүгін Алматыда оқу орнының профессор-оқытушылар құрамының дәстүрлі тамыз кеңесінде айтылды.

«Жаңа оқу жылы бакалавриатта - 3, магистратурада - 4, докторантурада - 6 мамандық ашылды. Атап айтқанда, бакалавриатта - дизайн, есептеу техникасы және бағдарламалық қамтамасыз ету, логистика. Магистратурада - есептеу техникасы және бағдарламалық қамтамасыз ету, әлеуметтік педагогика және өзін-өзі тану, мұнайхимиясы, геоэкология және табиғатты падалануды басқару. Докторантурада - қаржы, есептеу техгникасы және бағдарламалық қамтамасыз ету, информатика, есептеу техникасы және басқару, педагогика және психология, туризм, логистика. Сондай-ақ жаңадан тағы 17 мамандықты ашуға құжаттар берілді», - дейді әл-Фраби атындағы Қазақ ұлттық университетінің оқу жұмысы жөніндегі проректоры Гүлнәр Балақаева.

24.08.2011 / 12:55

Әл-Фараби атындағы Қазақ ұлттық университеті жаңа оқу жылын жаңа оқу бағдарламасымен бастайды - Ғалымқайыр Мұтанов

АЛМАТЫ. 24 тамыз. ҚазАқпарат /Ерлік Ержанұлы/ - Университеттегі негізгі жұмыс кафедраларда болуы тиіс. Бұл туралы бүгін Алматыда Әл-Фараби атындағы Қазақ ұлттық университеті профессор-оқытушылар құрамының дәстүрлі тамыз кеңесінде сөз болды.

«Биылдан бастап біз әлемдік негізге сүйене отырып, барлық оқу бағдарламаларын өзгертіп шықтық. Басты мақсат - түлектер университет қабырғасынан шыққан кезде бәсекеге қабілетті болуы керек. Мұның бәрі олар жұмыс іздеп жүрмей, өздері жұмыс орнын жасасын деген бағытта жасалып жатыр», - дейді Әл-Фараби атындағы Қазақ ұлттық университетінің ректоры Ғалымқайыр Мұтанов. Оның айтуынша, құрылымдық қайта құруда әр факультет кластерлік бағытқа бейімделіп кафедралар іріленді. Бұрын 100-ден аса кафедра болса, қазір олардың тең жартысы ғана қалды.

24.08.2011 / 12:59

В новый учебный год КазНУ им аль-Фараби вступит с новой моделью управления - ректор Г.Мутанов

АЛМАТЫ. 24 августа. КАЗИНФОРМ - Сегодня в Алматы в Казахском национальном университете (КазНУ) им.аль-Фараби прошло августовское совещание профессорско-преподавательского состава вуза с участием общественности города.

Формат форума, в котором приняли участие более 1 500 преподавателей, уникальный для вуза. Впервые в нем участвовали директора школ, представители общественных организаций, акимы районов Алматы.

Как отметил ректор КазНУ Галым Мутанов, задачи по модернизации системы образования, поставленные Главой государства, требуют новых решений в управлении вузами. В этой связи на совещании были рассмотрены вопросы по трансформации КазНУ в исследовательский вуз, которая затронула все сферы его деятельности. Также были обсуждены ход реализации Государственной программы развития образования на 2011-2020 годы, проблемы интеграции науки и образования в контексте нового Закона РК «О науке», пути и перспективы совершенствования учебно-методической работы, инновационной деятельности, социального партнерства в сфере молодежной политики.

24 тамыз, 2011

Әл-Фараби атындағы ҚазҰУ Ұлттық зерттеу университетіне көшуге дайындық үстінде

Әл-Фараби атындағы Қазақ ұлттық университетінің ректорат мәжілісінде кафедра меңгерушісі лауазымына тағайындау байқауының нәтижесі жарияланды.

Байқаудың өтетіндігі туралы университеттің «Қазақ университеті» газетінде және «Казахстанская правда» басылымында жарияланған болатын. Байқауға қатысуға өтініш білдіргендердің арасында барлық қойылған талаптарға сай келген 120-дан астам үміткер қатысқан. Нәтижесінде бұрынғы 99 кафедраның орнына ірілендірілген 63 кафедра жасақталды. Орташа жас мөлшері 51 жасқа сай келеді екен.

Ректорат мәжілісінде байқау нәтижесі жарияланып, Әл-Фараби атындағы Қазақ ұлттық университетінің ректоры мен кафедра меңгерушілері жұмыс келісімшартына қол қойған.

Өз кезегінде ҚазҰУ ректоры Ғалымқайыр Мұтанов жаңа оқу жылында жаңа қызметке тағайындалған кафедра меңгерушілерін құттықтап, қызметінен босатылған бұрынғы кафедра меңгерушілерінің табысты атқарған еңбектеріне алғыс білдіріп «Құрмет грамотасымен» марапаттады.

23.08.2011 / 19:00

Ата заңымыз еліміздің тұтастығы мен амандығын және ұлтаралық татулығын сақтауымен құнды - С.Әлімбекова

АЛМАТЫ. 23 тамыз. ҚазАқпарат /Әділет Мұсахаев/ - Қай мемлекетте болсын Конституция басты құжат болып табылады. Оның беделі, мазмұны, атқаратын міндеті де ерекше. Бұл жайында Әл-Фараби атындағы Қазақ ұлттық университеті баспасөз қызметінің жетекші маманы Саягүл Әлімбекова ҚазАқпарат агенттігінің тілшісімен тілдесу барысында айтты.

«Өз тәуелсіздігін жариялап, егеменді ел атанған Қазақстан 1995 жылы 30 тамызда өз Ата заңын қабылдап, сол заңның аясында елдігін нығайтып келеді. Ата заңда көрсетілгендей, Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырды, оның ең қымбат қазынасы- адам және адамның өмірі, құқықтары мен бостандықтары. Биыл 16 жылдығы тойланғалы отырған Ата заңымыз - мемлекетіміз бен қоғам тұрақтылығының, болашаққа деген сенім мен халқымыздың ауқатты тұрмысының, лайықты өмірінің кепілі. «Мемлекеттің құрылымын негіздеу, негізгі ережелерін анықтау» осы ұғымның бәрі ықшамдалып, басты құжат ретінде Конституцияда көрініс тапқан. Мемлекеттің құрылымы мен бірге адам және оның құқы туралы толықтай қамтылған бөлімдер Ата заңның құндылығын арттырып тұрғандай. Конституцияны бүкіл заңдардың төресі деп атаудың себебі де осында жатса керек. Ата Заңымыздың құндылығы да осы», -дейді ол.