Жаңалықтар

Білім мен ғылымның қасиетті қара шаңырағы әл-Фараби атындағы ҚазҰУ-да академик, ғалым, техника ғылымдарының докторы, профессор, Қазақ КСР Мемлекеттік сыйлығының лауреаты, Қазақ КСР ғылымының еңбек сіңірген қайраткері Өмірбек Aрысланұлы Жолдасбековтің 85 жасқа толуына орай алқалы жиын өтті.

ҚазҰУ колледжі базасында Қазақстан Республикасы Тәуелсіздігінің 25 жылдығына арналған «Тәуелсіз Қазақстанның интеллектуалды жастары» атты студенттердің ғылыми-практикалық конференциясын өткізді.

Филология, әдебиеттану және әлем тілдері факультетінің №17 жатақханасында шығыстану факультеті Қиыр Шығыс кафедрасының оқытушылары мен студенттерінің ұйымдастыруымен «Айналаңды нұрландыр» жобасының аясында «Шығыс өрнектері» мерекелік-танымдық іс-шара өтті. Іс-шара барысында Қиыр Шығыс кафедрасының жұмысы насихатталды.

Әл-Фараби атындағы ҚазҰУ-да «Жамбыл ақындық мұрасы және жамбылтанудың өзекті мәселелері» атты халықаралық ғылыми-практикалық конференция өтті. «Адамдықты, ерлікті, батырлықты, ел бірлігін сақтаған татулықты айтқан» келелі жиын ғылым мен білімнің қасиетті қара шаңырағында Ресей, Грузия, Түркия, Қырғыз елдерінен арнайы келген ғалымдардың басын қосты.

Қытайтану кафедрасының профессоры Алдабек Нұржамал Әбдіразаққызы ҚХР-дың еркін экономикалық аудандарының бірі Шэнжэнь қаласында өтіп жатқан «Бір белдеу - бір жол: «Ұлы Жібек жолының» экономикалық белдеуі» атты халықаралық ғылыми конференцияға қатысуда. Конференцияда «Жібек жолының» экономикалық бастамасы, Қытай мен Еуропаны жалғастыратын Орталық Азиядағы «Жібек жолының» бұрынғы тарихи әлеуетін қайтадан жандандыру және осы идеяны жаңа экономикалық мазмұнмен толықтыру бастамасы қарастырылуда. Конференцияға 34 елден 100 ден аса делегат қатысып отыр.

Әл-Фараби атындағы Қазақ ұлттық университетінің басшылығы дипломатиялық өкілеттілігі аяқталған Жапонияның Қазақстандағы төтенше және өкілетті елшісі Камохара Масаёсимен кездесті.

Талантты және дарынды оқушылармен жұмыс істеу – қазіргі заман талабының өзекті мәселесі. Бұл жұмыс әр уақытта білім жүйесінің барлық саласын қамтып отырады.

Философия және саясаттану факультетінің философия кафедрасы «Философияны оқыту: мәселелері және болашағы» тақырыбында ғылыми-әдістемелік конференция өткізді. Оның жұмысына республика жоғары оқу орындарының оқытушылары, ҚР Білім және Ғылым Министрлігі Ғылым комитетінің философия, саясаттану және дінтану Институтының ғылыми қызметкерлері қатысты.

Шығыстану факультеті ТҮРКСОЙ кафедрасының оқытушы-профессорлар құрамы мен студенттер, магистранттар мен докторанттар қауымы «Түркі халықтары мәдениеті қоры» қоғамдық ұйымының басшысы – Ахмет Дағдұран, «Түркі Әлемі бизнесмендер қауымдастығы» ұйымының басшысы – Асқар Өтепов, «Түркі халықтары мәдениеті қоры» ұйымының жанындағы «Түркі Әлемі газеті» және аталған газеттің мәдени ғаламтор-арна қосымшасының басшысы – Ихсан Дағдұранмен кездесу өткізді.

ҚазҰУ-дың журналистика факультетінің студенттері үлкен құлшыныспен «жаһандық» эфирге шықты. Әлеуметтік желілерде «әл-Фараби» телерадио кешенінің сілтемесі арқылы күнделікті ҚазҰУ-дың ағымдағы жаңалықтарымен, өтетін іс-шаралар туралы, «Өнегелі өмір» сериясымен жарыққа шыққан кітаптар жайымен және басқа да көптеген қызықты ақпараттармен танысуға болады. Сонымен қатар, видеохостингта репортаж, бейнебаян жасаудың телевизиялық технологияларын үйренуге де мүмкіндік бар.