- Негізгі бет
- Жаңалықтар
Жаңалықтар

ҚазҰУ-да 8-17 қаңтар аралығында университеттің 80-жылдығына және Парасат кәсіподағының 20 жылдығына орай оқытушы-профессолар құрамы, докторанттар арасында 42-ші дәстүрлі «Денсаулық» спартакиадасы өткізіледі.

Құрметті әріптестер мен студенттер! Жаңа 2014 жыл құтты да табысты болсын!
Тарих қойнауына жылжып бара жатқан 2013 жыл ҚазҰУ ұжымы үшін табысқа толы болды. Ұжымдық мәдениеті қалыптасқан, кәсіби деңгейі жоғары ортаның бұл жылғы бағындырған белестері мен жетістіктері жоғары. Олардың ішінде әл-Фараби атындағы ҚазҰУ-дың QS рейтингтік агенттігінің қорытындысы бойынша 299-орынға көтеріліп, «Топ-300» әлемнің ең үздік жоғары оқу орны қатарына ену арқылы халықаралық деңгейдегі өз мәртебесін арттыра түскенін ерекше атап өткім келеді.

Жаңа жылда әл-Фараби атындағы ҚазҰУ-да 2020 жылға дейін оқу орнының даму негізі болатын «Аl-Farabi university smart city» ғылыми-инновациялық жобасы іске қосылады.

2013 жылдың 12-15 желтоқсанында Алматы қаласындағы «Бағанашыл» спорткешенінде «Asian Bars» джиу-джитсудан 2-ші ашық Азия Чемпионаты өтті.

Әл-Фараби атындағы ҚазҰУ 2013 жылы UNWTO.TedQual Certified: Higher Tourism Education Programmes каталогына енді. Каталогта білім беру бағдарламасы туристік білім беру сапасын сертификаттаудан өткен әлемнің 36 мемлекетінің 59 жоғарғы оқу орны туралы ақпараттар берілген.

Әл-Фараби атындағы ҚазҰУ азаматтық құқық және азаматтық іс жүргізу кафедрасы мен Құқықтану және кәсіпкерлік Институтының азаматтық құқық және процесс кафедрасының (Ресей Федерациясы, Санкт-Петербург қ.) ұйымдастыруымен және з.ғ.д.,профессор Асхат Құзбағаровтың қатысуымен «Жеке құқықтық сипаттағы дауларды шешудің баламалы тәсілдері мен тараптарды бітістіру» атты тақырыпта семинар-тренинг өтеді. Семинарға оқытушылар мен жас ғалымдар шақырылады.

2014 жыл 30 қаңтар мен 1 ақпан аралығында «Коммуникация – бәріне: шығармашылық идеялар мен технологияларды басқару өнері» Бірінші Халықаралық Журналистика және Коммуникация Қысқы мектебі Алматы облысы Іле-Алатау мемлекеттік ұлттық саябағында орналасқан «Тау-Тұран» білім беру-сауықтыру кешенінде өтеді.
Әл-Фараби атындағы ҚазҰУ ЖОО дейінгі білім беру факультетінде «100 кітап» жобасы аясында ҚР Халық жазушысы Ә. Нұршайықовтың 90 жылдығына және әл-Фараби атындағы ҚазҰУ-дың 80 жылдығына арналған шаралар өтті.

Қазақ елі тәуелсіздігінің 22 жылдығына орай қазақ әдебиетінің тарихы және теориясы кафедрасының ұжымы 17 студенттер үйінде өткізген кештің тақырыбы «Алматы - тәуелсіздіктің алтын бесігі» деп аталды.

Студенттердің ғылыми қоғамымен бірге (СҒҚ) заң факультетінде ең үздік «Ғылыми студенттік бірлестік» конкурсы өтті.