Жаңалықтар

20-қараша әл-Фараби атындағы Қазақ ұлттық университеті халықаралық қатынастар факультеті дипломатиялық аударма кафедрасы университеттің 80-жылдығына арнап «Зерттеу университетінің білім беру кеңістігінде мемлекеттік және шет тілдер» атты республикалық ғылыми-әдістемелік конференция өтеді.

Әл-Фараби атындағы ҚазҰУ-дың бизнес-инкубаторында жүзеге асырылып жатқан «VeloCity» стартап компаниясы «Алматы қаласының тұрақты көлігі» атты жобаға қатысты. «Алматы қаласының тұрақты көлігі» жобасының даму негізіне «VeloCity» компаниясы велобағыттарды құрастыруға өз үлесін қосты.

Кино өнерінің биік шыңына шыққан қазақ киносының бірегей туындысы - «Шал» фильмі. Белді режиссёр Ермек Тұрсыновтың бұл туындысы көпшіліктің көңілінен шығып қана қоймай, қазақ киносының жаңа бір құбылысына айналып үлгерді. Фильм қарияға да, жасқа да ой салады. Ой салып қоймай, тұтас бір ұлттың суретін салуға тырысады. Философиялық ойға бай фильмді жастарға көрсетуді құп көрген әл-Фараби атындағы ҚазҰУ-дың философия кафедрасы «Отандық кино күні» жобасы аясында фильмді тамашалауға шақырды. Көркем туындыны тамашалауға ҚазҰУ ұстаздары мен студенттері тегіс жиналды.

Заң факультеті 2-курс студенттері арасында Ғылыми студенттер қауымының ұйымдастыруымен «Жоғарғы қауым теориясы» тақырыбында дебат өтті.

Университеттің механика және математика факультетінде АСМ ICPC (Association for Computing Machinery International Collegiate Programming Contest) бағдарламалаудан әлем чемпионатының ширек финалы өтті. 2003 жылдан бастап әл-Фараби атындағы ҚазҰУ бағдарламалаудан әлем чемпионатының Алматы қаласындағы ұйымдастырушысы болып табылады.

1 қарашада «Қазақстан-2050» Стратегиясын жүзеге асыру бойынша іс-шаралардың аясында (сағат 11:00, ГУК 3, 201 ауд.) экономика және заң факультеттерінің студенттеріне, магистранттарына және PhD докторанттарына арналған көшбасшылық дәріс өтеді.

Мемлекеттік рәміздер – бұл кез-келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік әнұран мемлекеттік рәміздер болып табылады. Осы орайда, Философия және саясаттану факультеті дінтану және мәдениеттану кафедрасы мәдениеттану мамандығының 3-курс студенттерінің ұйымдастыруымен «Мемлекеттік рәміздер – мақтанышымыз» атты ашық сабақ өткізілді.

7 қарашада шетелдік студенттерге арналған «ҚазҰУ-ға 80 жыл» атты ашық кураторлық сағат өтеді (сағ. 13.00-де 203-дәрісхана).

30 қазан – 8 қараша аралығында «Криминалистика және сот сараптама пәндерінің оқытудың ерекшеліктері» тақырыбы бойынша О.Е. Кутафин атындағы Мәскеу мемлекеттік заң институтының директоры, Мәскеу мемлекеттік заң академиясының сот сараптама кафедрасының меңгерушісі, Ресей Федерацияның ғылымға еңбегі сіңген қайраткері, Ресей Федерациясының жоғары мамандық білімінің құрметті қызметкері, з.ғ.д., профессор, Ресейдың жаратылыс ғылымдары академиясының академигі, Халықаралық бірдейлестіру ассоциацияның (IAI USA) толық мүшесі Россинская Елена Рафаиловнаның қатысуымен әдістемелік семинар өтеді.