Жаңалықтар

9 ақпан күні сағат 11.00-де «Медеу» мұз айдынында жастар арасында саламатты өмір салтын кеңінен насихаттау мақсатында, «Саламатты дене мәдениеті» жобасының негізінде, сонымен қатар спорттық-сауықтыру орталықтарында уақыт өткізуді тиімді ету үшін әл-Фараби атындағы ҚазҰУ-дың Жастар ұйымдары комитеті және Алматы қаласы Жастар саясатының басқармасы «Медеу» мұз айдынына кіру бағасынының 500 тг дейін төмендетуге қол жеткізді!

9 ақпан 2013 ж. сағат 10.00-де әл-Фараби атындағы ҚазҰУ-да (ректораттың мәжіліс залы, 15 қабат) гуманитарлы және жаратылыстану ғылыми мамандықтары бойынша Республикалық оқу-әдістемелік кеңестің отырысы өтеді. «Қазақстан-2050» стратегиясындағы жаңа ұрпаққа білім беру бағдарламалары» тақырыбы төңірегінде өтетін кеңеске ҚР БҒМ жоғары оқу және жоғары оқу орнынан кейінгі білім беру орындарының Қазақстандағы жетекші оқу орындары проректорларының қатысады.

8 ақпан сағат 17.00-де әл-Фараби атындағы Қазақ ұлттық университеті Жоғары оқу орнына дейінгі білім беру факультетінде «Мен өмірді жырлау үшін келгенмін» атты дәстүрлі жыр кеші (316 дәрісхана) және С.Әшімбаев атындағы жас әдебиетшілер клубының маусымдық ашылуы өтеді.

1 наурызда Студенттік декандардың сайлауы өтеді! Баршаңызды белсенділік танытуға шақырамыз. Үміткерлердің өтініштері (түйіндеме, эссе,ұсыныс хат) ақпанның 16-на дейін Жастар ұйымдары комитетінде (ректорат, 301-каб.) қабылданады.

Бүгін әл-Фараби атындағы ҚазҰУ-да Қалалық студенттік емхананың бас дәрігері Л. Иманғалиева және Түркісіб аудандық Туберкулезге қарсы диспансер бас дәрігері Д. Сабазова қатысуымен «ҚазҰУ-да туберкулезге қарсы санитарлы-эпидемиологиялық және сауықтыру іс-шараларын ұйымдастыру, кешенді жоспармен өткізу» тақырыбы төңірегінде дөңгелек үстел өтті.

Қазақстан мен Қытайдың арасында мәдениет пен білім саласында белсенді ынтымақтастық орнаған. Әсіресе, білім саласында атқарылған шара аз емес. 2013 жылы ақпан айының 1 жұлдызында әл-Фараби атындағы Қазақ ұлттық университетінің ЖОО-ға дейінгі білім беру факультетінің шетелдіктердің тілдік және жалпы білім беруге дайындық кафедрасы дөңгелек үстел өткізді.

8 ақпанда География және табиғатты пайдалану факультетінде ҚР Төтенше жағдайлар министрлігіне қарасты Республикамыздың жедел құтқару тобының жетекшісі Маркабаев Ерланның «Төтенше жағдайлардағы әрекет» атты тақырыпта дәрісі өткізіледі.

20 жыл бұрын 1993 жылдың 28 қаңтарында жас тәуелсіз мемлекетіміздің жаңа бағытта дамуының іргесін қалауға негіз салған тарихи оқиға орын алды - тәуелсіз Қазақстанның Тұңғыш Конституциясы қабылданды. Бұл Конституцияның кемшілікке толы болғанына қарамастан оған қоғамдық даму тарихында маңызды орын беріледі. Осы Конституцияның тарихи орны, маңызы мен мәні туралы бүгінгі жас буынның хабардар болуын қамтамасыз ету мақсатында ҚазҰУ заң факультетінің мемлекет және құқық теориясы мен тарихы, конституциялық және әкімшілік құқығы кафедрасының мүшелері 31 қаңтар күні №18 студенттер үйіне барып «Тәуелсіз Қазақстанның тұңғыш Конституциясына – 20 жыл: оның тарихи-құқықтық маңызы» тақырыбында ой-толғау өткізіп қайтты.

3 ақпан күні әл-Фараби атындағы ҚазҰУ-дың физика факультетінің 2 залы, сағат 9:00-де, «Алтын сапа» пікірсайыс клубының ұйымдастыруымен өтетін ішкі турнирге шақырамыз.