Жаңалықтар

әл-Фараби атындағы ҚазҰУ-дың дүние жүзі тарихы, тарихнама және деректану кафедрасының меңгерушісі, профессор Жұмағұлов Қалқаман Тұрсынұлына Махамбет Өтемісов атындағы Батыс Қазақстан мемлекеттік университетінің Ғылыми кеңесінің шешімімен осы ЖОО-ның Құрметті профессоры атағы берілді.

Әл-Фараби атындағы ҚазҰУ-дың Ғылыми кітапханасы «Лань» Электронды-кітапханалық жүйесін пайдалану мүмкіндігіне ие болды

Еуропалық Одақтың халықаралық жоғары дәрежелі сарапшыларының жүргізген сараптамасы бойынша Қазақстанның ғылыми-инновациалық бағасының нәтижелері белгілі болды. Бұл сараптама Қазақстан Республикасының IncoNet-EECA жобасы аясында Индустрия және жаңа технологиялар министрлігінің тапсырмасымен іске асты.

10 қыркүйекте әл-Фараби атындағы Қазақ ұлттық университетінде Қазақстандағы Еуропалық Одақтың Ғылымды дамыту және технологиясының жетінші шекті бағдарламасының үйлестірушісі (FP7) Камила Мағзиева ғылым саласы бойынша грант алу ережелерімен, технологиясымен және инновация туралы Еуропалық Одақтың Жетінші шекті бағдарламасы бойынша семинар өткізді.

8 қыркүйек күні ҚазҰУ университетінің оқытушылары мен студенттері және басқа да қызметкерлерінің қатысуымен жалпықалалық сенбілік өтті. Қала ішіндегі қалашықта болған сенбілікте ҚазҰУ тұрғындары өздерінің бар ынты–ықыласымен, жайдарлы мінездерімен сенбілікке белсене қатысты.

әл-Фараби атындағы ҚазҰУ-да спорт және дене шынықтыру саласын дамытуға ерекше көңіл бөлінген. Бұл бағытта заманауи жабдықталған стадион, спорт кешені, ашық алаң сонымен бірге, дене тәрбиесі және спорт кафедрасы жұмыс істейді. Клубтық жұмыс түрінің секциялары студенттерге тиімді және ыңғайлы уақытта дене шынықтырумен, спортпен айналысуға мүмкіндік береді. Соның нәтижесі болса керек, ҚазҰУ жастары спорттың сан түрінен республикалық, халықаралық, әлемдік додаларда еліміздің көкбайрағын желбіретіп жүр. Тіпті, еліміздің тарихында болып көрмеген тың жетістіктерге жеткізген биылғы Лондон олимпиадасына қатысқан спортшылардың арасында біздің ҚазҰУ-дан 11 студент лицензия жеңіп алып, спорттың әр түрінен қатысып қайтқан болатын.Солардың бірі де, бірегейі университетіміздің Заң факультетінің 3-курс студенті Светлана Подобедова. Естеріңізде болса, Светлана 3 тамыз күні Лондонда 75 келі салмақ дәрежесінде ауыр атлетикадан өнер көрсетіп, Қазақстан қоржынына алтын медаль сыйлаған болатын.

Әл-Фараби атындағы Қазақ ұлттық университеті ҚР Президентінің «Қазақстан білім қоғамы жолында» атты интерактивті дәрісін жаңа оқу жылындағы бас бағдар етіп, қызу талқылауға, міндеттерді жүзеге асыруға кірісіп те кетті.

Елбасының Жолдауында: «...есірткі дертіне ұшыраған қоғам - қауіпсіз қоғам бола алмайды» делінген. Демек, есірткімен күрес- күрмеуі көп күрделі іс екендігін ұғынуға болады. Қыркүйек айының 6 жұлдызында әл-Фараби атындағы Қазақ Ұлттық университетінің Жоғары студенттер кеңесі мен ҚазҰУ қалашығының директоры Әбдіқаһар Сейітжановтың ұйымдастыруымен «ҚазҰУ студенттері есірткіге қарсы» атты акция өтті. Оған ҚазҰУ-дың барлық бірінші курс студенттері қатысты.

6 қыркүйек күні әл-Фараби атындағы ҚазҰУ ректоры Ғалым Мұтановтың механика-математикалық факультеттегі курсына кураторлық дәрісі Алматыдағы Ахмет Байтұрсынұлы мұражай-үйінде өтті. Кураторлық дәріске сондай-ақ механика-математика, журналистика және филология, әдебиеттану және әлем тілдері факультетінің декандары мен студенттері де қатысты.

7 қыркүйек 2012 жыл сағат 16.00-де әл-Фараби атындағы ҚазҰУ-да (ректорат, 15 қабат) Лондонда өткен ХХХ олимпиада ойындарына Қазақстан құрама командасында қатысқан университеттің спортшы-студенттерін ұлықтау рәсімі өтеді.

Лондон олимпиадасы ойындарына ҚазҰУ-дың 11 студенті лицензия жеңіп алып, спорттың әр түрінен қатысып қайтты. Олар: Светлана Подобедова (ауыр атлетика), Айман и Шолпан Қожахметовалар, Виктор Лептиков, Анастасия Пилипенко, Никита Филиппов, Георгий Шейко (жеңіл атлетика), Гүлжан Исанова (дзюдо), Алексей Шмидер (судағы поло), Юлия Живица, Эльмир Алимжанов (семсерлесу).

Заң факультетінің студенті Светлана Подобедова, 3 тамыз күні Лондонда 75 келі салмақ дәрежесінде ауыр атлетикадан өнер көрсетіп, Қазақстан қоржынына алтын медаль сыйлады.