Жаңалықтар

25 сәуірде әл-Фараби атындағы ҚазҰУ жоғары оқу орнына дейінгі білім беру факультеті шетелдіктердің тілдік және жалпы білім беру дайындығы кафедрасы Алматы қаласы Тілдерді дамыту, мұрағаттар және құжаттама басқармасымен бірлесіп «Жер – біздің ортақ үйіміз» атты ХХVІІ халықаралық ғылыми студенттік конференция өткізді.

Жастар ұйымдар комитеті және Студенттік құрылыс жасақтарының штабы Студенттер еңбек жасақтарына студенттерді қабылдау жариялайды!

ШЫҰ мүше – мемлекеттердің жоғары оқу орындарының ынтымақтастығы жөніндегі Меморандумды жүзеге асыру негізінде әл-Фараби атындағы ҚазҰУ «МИСиС» ұлттық зерттеу технологиялық университетімен «Нанотехнология» бағыты бойынша ШЫҰУ аясында магистрлік бағдарламаларды жүзеге асыру жөнінде келісім-шартқа қол қойды.

Бүгін әл-Фараби атындағы Қазақ ұлттық университеті физика-техникалық факультетінде физика ғылымдарының доктор, профессор, әлемдік деңгейдегі ғалым Фазылхан Байымбетов атындағы дәрісхананың салтанатты ашылуы болды.

27 сәуірде химия және химиялық технологиялар факультеті Малахит залында жаратылыстану факультеттеріндегі ағылшын тілі клубтарының ұйымдастыруымен "Brighten the corner where you are!" («Айналаңды нұрландыр») атты ағылшын тілі фестивалі өтті. Фестивальға университет басшылығы, барлық факультет оқытушылары мен студенттері атсалысып қатысты.

27 сәуірде күні Ө.А. Жолдасбеков атындағы Студенттер сарайында «ХХІ ғасыр мансабын құр» атты ҚазҰУ-2012 бос жұмыс орындары жәрмеңкесі өтті. Жәрмеңкеде Қазақстанның 50 ірі компанияларының бос жұмыс орындары мен стендтік сессиялары жұмыс жасады.

әл-Фараби атындағы ҚазҰУ-дың спорт кешенінде аэробикадан факультетаралық фестиваль өтті. Биыл фестиваль ашық түрде өткізіліп, Алматы қаласының жоғары оқу орындарының командалары шақырылды. Жарыс «Спорттық аэробика» және «Біртума жанр» номинациялары бойынша өтті. Фестивальға 13 факультеттің 24 командасы, Т.Рысқұлов атындағы Қазақ Экономикалық университет, Қазақ қыздар педагогикалық университеті, Санкт-Петербергтың кәсіпорындар университетінің Алматыдағы филиалы, Каспий әлеуметтік университет командалары қатысты. Қазылар алқасы ретінде Алматы қаласы фитнесс және аэробика Ассоциациясының Президенті Элина Алимжанова бастаған аталған ассоциацияның мүшелері шақырылды.

Жуырда халықаралық қатынастар факультетінде «100 кітап» апталығының аясында Дипломатиялық аударма кафедрасының куратор-эдвайзерлеріГ. Абдвахитова, Г. Тілеужанова халықаралық құқық 13,15 топтарының студенттерінің қатысуымен «Мәңгі өлмес жырыменен із қалдырған...» атты М.Мақатаевқа арналған шығармашылық кеш ұйымдастырды. Кешке факультеттің аға куратор-эдвайзері Гүлшат Ахметалиева, дипломатиялық аударма кафедрасының доценті Г.Сулейменова қатысты.

25 сәуір күні Іле Алатау табиғи саябағының ұйымдастыруымен өткен «Жер – бізге және ұрпаққа!» атты акциясына әл-Фараби атындағы ҚазҰУ-дың «Энерго эколог» клубы мен Студенттер Сенаты қатысты. Акция қатысушылары «Горное солнце» лагерінің ауласында 100-ге жуық шырша ағаштарын отырғызып, абадаттандырды.

24 сәуірде заң факультетінде Алматы қаласы бойынша Бақылау және әлеуметтік қорғау департаменті зейнетақымен қамтамасыз ету және әлеуметтік төлемдердің түрлері, олардың тағайындалуы жөнінде жалпылай түсіндіру жұмыстарын жүргізу мақсатында «Зейнетақы және әлеуметтік төлемдер» тақырыбында дәрістік кездесу өткізді.