Жаңалықтар

2011жылдың 12 наурызда әл-Фараби атындағы ҚазҰУ-да ХІІІ Республикалық жапон тілінен шешендік өнер сайысы өтті.

Бұл сайыстың ұйымдастырушылары - Қазақстандағы Жапония елшілігі, Қазақстандағы жапон тілі оқытушыларының ассоциациясы және әл-Фараби атындағы ҚазҰУ жапонтану кафедрасы. Жапонияда болған жойқын жерсілкінісіне қарамастан, Жапония елшілігі сайыстың өткізу күнін өзгертпестен, солбелгіленген күні өткізуді жөн санады. Өйткені бұл сайыстың жапон тілін меңгеру үшін, біздің мемлекетіміздегі жапон тілінің дамуына, екі ел арасындағы байланыстың нығаюына қосатын үлесі зор.

Мансап секторы Жұмыс берушілер Кеңесінің компанияларымен - GSM Казахстан, Microsoft, Қазатомпром, ТеңізШеврОил, Еуразиялық Банк, KPMG, Билайн, Ernst&Young, Қазақстанның британдық түлектер Клубы «BACK» арнайы кездесу өткізеді. Кездесу тақырыбы: «Түлек – 2011 Жұмыс берушілер көзімен, жас мамандар іріктеу белгілері».

Әл-Фараби атындағы Қазақ Ұлттық университеті Қазақстанның көптеген жоғары оқу орындары үшін ғылыми-зерттеу тәжірибесінің орталығы болып табылады. ҚазҰУ-дың жоғары оқу орнынан кейінгі білім беру институты 2011 жылдың 3 наурыз айында ҚазҰУ-ға М.Х. Дулати атындағы Тараз мемлекеттік университетінің магистранттары ғылыми-зерттеу тәжірибелерін «6M020500-Филология» мамандығы бойынша жалпы тіл білім кафедрасының оқу-тәжірибелік зертханасына әлеуметтік және психолингвистикалық зерттеулер қорына әл-Фараби атындағы ҚазҰУ-дың жалпы тіл білім кафедрасының меңгерушісі профессор Г.Б. Мадиеваның жетекшілігімен тәжірибеден өтуге келгенін хабарлайды.

Әл-Фараби атындағы Қазақ ұлттық университеті 2011 жылдың 12 наурызында Алматы қаласында биология, география, физика, математика, химия, қазақстан тарихы, дүниежүзілік тарих, ағылшын тілі, неміс тілі, француз тілі, казақ тілі және әдебиет, орыс тілі және әдебиет пәндері бойынша республикалық «Әл-Фараби» Олимпиадасын өткізеді.

Осы интеллектуалдық Олимпиаданы өткiзудің негiзгi мақсаты – дарынды оқушыларды анықтау, дамыту және қолдау үшiн шарттарды жасау.

Осы жылы Олимпиадаға 2000 астам Алматы қаласының мектеп түлектері қатысады. Барлық Олимпиада қатысушылары аудандық және қалалық олимпиада нәтижелері бойынша облыстық білім Басқармасымен мәлімделінген. Қатысушылардың арасында басым көбi «Алтын белгi» үміткерлері, республикалық олимпиадалардың жеңiмпаздары мен жүлдегерлері, аудандық олимпиадалардың қатысушылары, спортшылар, СШҮ.

Олимпиаданың қорытынды кезеңінің негізгі кезеңдері «Казгуград» кампусының базасында өтеді. Қатысушыларға Декан сағаты, онлайн тестілеу, мұражайды аралау және т.б. шаралардан тұратын бағдарлама ұсынылады.

4 наурызда әл-Фараби атындағы Қазақ ұлттық университетінде 8 наурыз Халықаралық әйелдері күні мерекесіне арналған мерекелік кеш өтті. Ө.А.Жолдасбеков атындағы Студенттер сарайында ұйымдастырылған кештің көркін келтіріп, мерейін арттырған өнерпаз қатысушыларын университеттегі оқытушы-профессорлар құрамы, проректорлар, ректорат қызметкерлері, бөлім бастықтары, факультеттегі декандардың тәрбие жұмысы жөніндегі орынбасары арасындағы ерлер тобы қамтыды. Ардақты апа, аяулы ана, сүйікті қарындас мерекесіне арнап тек ер-азаматтарымыздың өнер көрсетуі ҚазҰУ тарихында тұңғыш рет ректор Ғалымқайыр Мұтанұлының бастамасымен жүзеге асып отыр.

4 наурыз күні әл-Фараби атындағы Қазақ Ұлттық университеті Ректораттың мәжіліс залы, 15-қабатта Қазақстан журналистика Академиясы, әл-Фараби атындағы Қазақ ұлттық университетінің журналистика факультеті, Бұқаралық коммуникацияның тарихы мен теориясы кафедрасының ұйымдастыруымен Қайыржан Нұрғожаұлы Бекхожиннің 100 жылдық мерейтойына арналған «ҚАЙЫРЖАН БЕКХОЖИН – ҚАЗАҚ ЖУРНАЛИСТИКАСЫ БІЛІМІ МЕН ҒЫЛЫМЫНЫҢ НЕГІЗІН САЛУШЫ» атты халықаралық ғылыми-тәжірибелік конференция өтті.

Филология факультеті әдеби шығармашылық және көркем аударма теориясы кафедрасының «Tarzhiman club» ұйымында жақында Мұқағали Мақатаевтың 80 жылдығына орай «Мұқағали – ақиық ақын» атты поэзиялық аударма кеші өткізілді.

«Бүгін менің туған күнім, ой пәлі-ай

Мына адамдар неге жатыр тойламай?!»- деп жырлаған қазақтың ақиық ақыны Мақатаевтың 80 жылдық мерейтойы университетімізде факультетаралық байқау ретінде тойланғалы отыр. Кешті «Жеті муза» қоғамының поэзия бағыты ұйымдастырады.

5 наурыз күні «Bluetooth» ойын-сауық орталығының ұйымдастыруымен ҚазҰУ-дың барлық аруларының құрметіне көңілді мерекелік кеш өтеді. Кеште көңілді тапқырлар клубының және университетіміздің белсенді, өнерлі серілері әуенді әндері мен керемет әзілдері арқылы сұлуларымыздың осы бір мерекесін естен кетпестей етіп тойлауға тырысып бағады.