Корейтану апталығы

Әл-Фараби атындағы ҚазҰУ-да 2017 жылдың 30 қазанынан бастап дәстүрлі корейтану апталығы басталды. Қиыр Шығыстану кафедрасының Корейтану бөлімі Қазақстан Республикасы мен Корея Республикасы арасындағы өзара түсінушілікті арттыруда маңызды рөл атқарады. 25 жылдан астам уақыт бойы Қиыр Шығыстану кафедрасының Корейтану бөлімі  әл-Фараби атындағы ҚазҰУ-да корейтану апталығы жыл сайын дәстүрлі іс-шара ретінде өткізіп келеді.

Бұл іс-шараның мақсаты қазіргі Кореяның әлеуметтік және мәдени өмірін студенттер мен оқытушылар тарапынан ғана емес, сонымен қатар әл-Фараби атындағы Ақылды Университеттің барлық тұрғындарының бірқатар іс-шаралар арқылы түсіну деңгейін көтеру болып табылады.

Корей апталығына келушілеріне корей мәдениетінің тарихы, салт-дәстүрлері, әдет-ғұрыптары мен басқа да аспектілерімен танысып, сондай-ақ Корея Республикасының дипломатиялық өкілдіктерінің өкілдерімен, сондай-ақ, Алматыдағы Оңтүстік Кореяның алдыңғы қатарлы ұйымдарының іскер топтарымен байланыс орнату мүмкіндігі беріледі.

2017-2018 оқу жылында бұл іс-шара Алматы қаласындағы демеушілік мектептермен бірге кәсіби бағдар беру жұмыстарының шеңберінде өткізіледі.

Корей апталығы корей ұлттық ерекшелігі сәлем салып, құрмет көрсетумен басталады. Осы күні қатысушылар Оңтүстік Кореяның тарихы және мәдениетімен танысып, «Корея туралы не білеміз?» Интеллектуалды шоуына куә болды. Жоғарғы және кіші курс курстары бәсекеге түспей, корей ұлтына тән үлкендер жасы кішіге тәлім тәрбие салтын ұстанды. Бұған Ханкук шет тілдер университетінің (Корея Республикасы) шет тілдер кафедрасының профессоры Ли Бендж Джо мен кафедраның аға оқытушысы Цой Ми Октың қосқан еңбектері ерекше болды.

Қиыр Шығыстану кафедрасы