“Veni.Vidi.Vici” сайысы өтті

Филология және әлем тілдері факультетінде «Шет тілі:  екі шет тілі» мамандығының І курс студенттері арасында латын тілінен “Veni.Vidi.Vici” атты сайыс өткізілді.

Сайыс таныстыру, Гаудеамус студенттер әнұранына түсірілген видеоклип, латын тіліндегі афоризмдерді жатқа айту сынды аталымдары бойынша 6 топ сынға түсті.

Студенттер өнер-білімдері, креативтіліктері және жеңіске деген талпыныстарымен қазылар алқасы мен көрермендерді тамсандырды. Сайыс соңында жалпы тіл білімі және еуропа тілдері кафедрасының меңгерушісі Гүлмира Мәдиева мен З.А. Муканова жеңімпаздарды дипломдармен және алғыс xаттармен марапаттады. Қатысушылар арасынан оза шауып, жүлделі І орынды «Unitatis» тобы, ІІ орынды «Fortius» тобы, ІІІ орынды «Viсtoria» тобы иеленді. Жеңіске деген талпыныстары мен жоғары белсенділіктері үшін «Concordia», «Vincere», «Aquilas» топтарына арнайы алғыс хат табысталды.

Жалпы тіл білімі және еуропа тілдері