Палестиналық жазушымен өткен кездесу

ҚазҰУ-ға палестиналық жазушы Оксфорд университетінің түлегі, Ясир Арафаттың кеңесшісі, палестиналық әйелдер қозғалысының жетекшісі Ханан Ауад келді.

Ұстаздар ұжымымен кездесу барысында жазушы палестиналық әдебиеттегі қазіргі негізгі бағыттар, саяси оқиғалар, халықтың басынан кешіп жатқан қиын-қыстау күндері жайлы әңгімелеп, тың мағлұматтармен бөлісті. Оның айтуынша, «Араб әдебиеті заманауи стилде дамып дәстүрлерге бейім болса да, бүгінде елде ер адамдармен тең құқыққа ие болу мәселесі әлі де бар» - дейді жазушы.

Кездесуде шығыстану факультетінің ұжымы қазіргі таңдағы палестиналық әдебиеттің қыр-сырымен танысып, тараптар саяси және қоғамдық өмірде орын алып жатқан өзекті мәселелерді талқыға салды.

 Таяу Шығыс және Оңтүстік Азия кафедрасы