Балалар 1 – Қыркүйекке дайын

ҚазҰУ-да «Парасат» қызметкерлер кәсіподағының ұйымдастыруымен «Сөмкеңді мектепке дайында» салтанатты акциясы өтті.

Ата-аналар үшін 1 Қыркүйек - бұл мереке ғана емес, қуанышты толқу мен балаларды мектепке дайындау барысындағы үлкен машақатқа толы сәт. Өткен жылы ҚазҰУ «Парасат» қызметкерлер кәсіподағы университет әкімшілігінің қолдауымен оқушыларға мектепке керекті қажеттіліктерді тарту еткен болатын. Аталмыш бастама биыл да өз жалғасын тауып, бірінші сыныпқа қадам басқалы отырған оқушыларға дәптер, қалам және әдемі сөмкелер тарту етілді.

211 болашақ бірінші сынып оқушыларына сыйланған мектеп қажеттіліктері бүлдіршіндерді қуаныш пен шаттықа бөледі. Салтанатты шарада балалар ән шырқап, өлеңдер оқыды, ал ата-аналар кәсіподақ комитетіне өз алғыстарын білдірді.

«Парасат» қызметкерлер кәсіподағы төрағасының орынбасары Ложникова Ольга «Сөмкеңді мектепке дайында» акциясы университет қызметкерлері балаларын мектепке дайындау барысындағы  ерекше көмек екендігін атап өтті.

www.kaznu.kz