Студенттік киберспортты дамытамыз

ҚР Ұлттық Олимпиада комитеті, National Esports Student Association және Qazaq Cybersport Federation ынтымақтастық туралы Меморандумға қол қойды.

Тараптардың өзара іс-қимылының негізгі мақсаттары халықаралық спорт қозғалысының бір бөлігі ретінде Қазақстанда студенттік киберспортты қолдау және дамыту, спорттық және ақпараттық мәдениетті ілгерілету, отандық және шетелдік жоғары оқу орындарымен әріптестік орнату, киберспорт саласында бірлескен жобаларды іске асыру болып табылады.

2020-2021 жылдарға арналған ынтымақтастық шеңберінде тараптар бірінші кезектегі міндет ретінде студенттік киберспорт бойынша қазақстандық лиганы құру мен дамытуды белгіледі. Лиганы құру - бұл Қазақстандағы киберспортты дамытудағы үлкен қадам, бұл Қазақстандағы осы қозғалыстың дамуына жүйе құраушы серпін береді және көптеген жас таланттарды ашады. Лиганың қызметі жоғары оқу орындарының студенттері арасында киберспорт пәндері бойынша турнирлер ұйымдастыруға және өткізуге, киберспортты насихаттауға және оның түрлерін дамытуға бағытталған.

2020 жылдың қазан айында барлығы төрт маусымды құрайтын студенттер лигасының алғашқы маусымы басталды. Жүлде қоры 1 млн. теңгені құрайтын маусымға жеті университеттің құрамалары – Ұлттық студенттік спорт қауымдастығының мүшелері, соның ішінде әл-Фараби атындағы ҚазҰУ командасы қатысады.

www.kaznu.kz