ҚазҰУ Coursera платформасында!

Әл-Фараби атындағы Қазақ ұлттық университетінің алғашқы жаппай ашық онлайн курсы – Methods of molecular biology 2021 жылдың 2 қаңтарында онлайн білім беру саласындағы әлемдік көшбасшы-Coursera халықаралық білім беру платформасында жарияланды.

Онлайн курсты жаңа білім беру технологиялары институты (ЖББТИ) биология және биотехнология факультетімен бірге Петр Ұлы Санкт-Петербург политехникалық университетімен бірлесіп әзірледі.

Molecular biology Methods онлайн курсы ағылшын тілінде әзірленген және бес модульден тұрады:

1. Molecular biology of viruses,
2. Molecular biology of bacteria,
3. Molecular plant biology,
4. Molecular biology of animals,
5. Molecular biology and medicine.

Бейне дәрістер жазбалармен, глоссариймен, пайдаланылған және ұсынылған әдебиеттер тізімімен қоса беріледі. Өткен материалды бекіту үшін бағаланбайтын тесттер жасалды. Бақылау үшін-бағалау тестілері және курс тыңдаушыларының бір-бірінің жұмысын өзара тексеруге арналған қорытынды эссе (peer review). Жақын арада қазақ және орыс тілдерінде субтитрлер қосылады.

Курстың автор-құрастырушылары – биология және биотехнология факультетінің молекулярлық биология және генетика кафедрасының қызметкерлері: аға оқытушы, PhD Айжан Жүсіпова, кафедра меңгерушісі, б.ғ. к. Жазира Жүнісбаева, аға оқытушы, PhD Изат Смекенов.

ЖББТИ директоры Әсел Мусинованың айтуынша, онлайн курстың іске қосылуы Coursera-ға шығу үшін серіктес университетті іздеу, келіссөздер, әзірлеу үшін курсты таңдау және контентпен тікелей жұмыс істеу бойынша үш жыл тынымсыз жұмыстың нәтижесі болды.

Алда әл-Фараби атындағы ҚазҰУ мен Ұлы Петр СПбПУ-да қашықтықтан білім беру саласындағы ынтымақтастық бойынша жаңа жоспарлары бар.