ТҮРКСОЙ шәкіртақы табыстады

Шығыстану факультеті ТҮРКСОЙ кафедрасының студенттеріне Халықаралық түркі ұйымы (ТҮРКСОЙ) атынан игі дәстүрге айналған шәкіртақы арнайы табыс етілді.

Халықаралық ұйымның Бас хатшысы Дүйсен Қасеиінов ТҮРКСОЙ кафедрасының «Түркітану», «Шетел филологиясы: түрік тілі», «Аударма ісі» мамандықтары бойынша білім алатын студенттерді ынталандыру және әлеуметтік тұрғыдан қолдау мақсатында берілген шәкіртақыны онлайн жиынға арнайы келіп табыстады.

Жүз мың теңге көле­мін­де­гі бір реттік шәкіртақы ТҮРКСОЙ ка­федрасының белсенді және ең озат студенттеріне берілді. Жиында сөз сөй­леген ТҮРКСОЙ өкілі әл-Фараби атын­дағы Қазақ ұлттық универ­си­те­тінің басшылығын соңғы уақыттағы білім беру мен ғылым саласындағы ха­лықаралық деңгейде қол жеткізген жетістіктерімен құттықтап, халық­ара­лық ұйым мен университет ара­сын­дағы ынтымақтастықтың бұдан әрі де дами түсетініне сенім білдірді. 
ТҮРКСОЙ халықаралық ұйымының атынан ҚазҰУ ректоры Ғалым Мұтанов Абай Құнанбаевтың 175 жылдығына арналған мерейтойлық іс-шараларды өткізуге қосқан ерекше үлесі үшін медалымен марапатталып, жиын соңында ҚазҰУ рек­­торы ТҮРКСОЙ ұйымының басшылығына сту­денттерге көрсеткен қолдаулары үшін ерекше алғысын білдірді. 

www.kaznu.kz