Әл-Фараби атындағы Қазақ ұлттық университетінің бірқатар оқытушы-профессорлары Наурыз мерекесі қарсаңында ҚР Президенті Қасым-Жомарт Тоқаевтың жарлығымен мемлекеттік марапатқа ие болды.
![](/content/images/news/82672.jpeg)
Әр салада жетістікке жеткен, егемен еліміздің дамуына елеулі үлес қосқан азаматтар қатарында ҚазҰУ-дың Халықаралық құқық кафедрасының профессоры, заң ғылымының докторы, G-Global орталығының директоры, көрнекті ғалым Кәрімжан Шәкіров және журналистика факультетінің профессоры, Қазақстан журналистер одағының мүшесі Гүлнәр Мұқанова «Ерен еңбегі үшін» медалімен марапатталды.
![](/content/images/news/82671.jpeg)
Сонымен қатар ЮНЕСКО, халықаралық журналистика және қоғамдық медиа кафедрасының профессоры, тарих ғылымының докторы Ләйла Ахметова Қазақстан Президентінің Алғыс хатын алды.
![](/content/images/news/82673.jpeg)
Сондай-ақ Әл-Фараби атындағы ҚазҰУ-дың механика-математика факультетінің 4-курс студенті, Жастар ұйымдары комитетінің жетекшісі Абзал Әріпов, химия және химиялық технологиялар факультетінің 4-курс студенті Наргиза Қуанышбай «Шапағат» медаліне ие болды.
![](/content/images/news/82674.jpeg)
Барша марапат иелерін шын жүректен құттықтаймыз және шығармашылық табыс тілейміз!
Әл-Фараби атындағы ҚазҰУ-дың Баспасөз қызметі