РАМАЗАН АЙЫ ҚҰТТЫ БОЛСЫН!

Құрметті Әл-Фараби атындағы Қазақ ұлттық университетінің оқытушы-профессорлары,

студенттері, магистрант, докторанттары!

Сіздерді қасиетті Рамазан айының басталуымен шын жүректен құттықтаймын!

Отыз күн оразада өзара сыйластық пен мейірім, ырыс пен ынтымақ, ізгілік пен мейірім салтанат құрады.

Мемлекет басшысы Қасым-Жомарт Тоқаев Қазақстан халқын ғибадат айының басталуымен құттықтай отырып, "Осы күндерде азаматтарымыз рухани тазарып, жан дүниесін жаңғыртады, жақсылық жасайды.   

Рамазан айында имандылық, жанашырлық және мейірімділік сияқты мызғымас құндылықтардың қадірі арта түседі.    
Исламның гуманистік идеалдары еліміздегі береке мен бірлікті, бейбітшілік пен келісімді нығайту үшін маңызды рөл атқарады.  

Біз халқымыздың ырыс-ынтымағының арқасында кез-келген қиындықты еңсеріп, болашаққа сеніммен қадам басамыз" деп атап өтті.

Бірлігі мен тірлігі жарасқан біздің университетте де отыз күн оразада мұқтаж жандарды қолдап, қайырымдылық көрсету игі дәстүрге айналды.

Әрдайым ұжымның ауызбіршілігі артып, ырыс-несібесі еселенсін!

Ұстаған оразаларыңыз қабыл болсын!

Сіздерге мықты денсаулық, елімізге тыныштық, әр шаңыраққа бақ-береке тілеймін!

Құрметпен

Әл-Фараби атындағы Қазақ ұлттық университетінің

Басқарма Төрағасы – Ректор

Жансейіт ТҮЙМЕБАЕВ