Бүгін Алматыда жалпықалалық сенбілік өтті. Тазалық шарасына Әл-Фараби атындағы Қазақ ұлттық университетінің ұжымы да белсенді қатысып, бір кісідей атсалысты.
![](/content/images/news/83147.jpeg)
Білім ордасының оқытушы-профессорлар құрамы мен студенттері қалашық аумағында тазалық жұмыстарын жүргізді. Нәтижесінде университет аумағындағы қоқыстар жиналып, ағаш түптері ағартылды.
![](/content/images/news/83148.jpeg)
Сонымен қатар әр факультеттің студенттері өздерінің оқу корпустары мен жатақханаларының айналасында тазалық жұмыстарын ұйымдастырды.
Сенбілікке 10-ға жуық техника жұмылдырылды.
![](/content/images/news/83149.jpeg)
Айта кетейік, тазалық жұмыстары «Birge – taza Qazaqstan» республикалық акциясы аясында өтіп жатыр. Жалпықалалық сенбілікке коммуналдық қызметтердің 2000-нан астам қызметкері мен 400-ден астам арнайы техникасы жұмылдырылған болатын. Тазалық шарасы сағат 09:00-де басталып, 12:00-ге дейін жалғасты.
Әл-Фараби атындағы ҚазҰУ-дың Баспасөз қызметі