ӘСКЕРИ КАФЕДРА

Әскери кафедра бүгінге дейін мемлекеттің қорғаныс қабілетін қамтамасыз ету үшін 40 мыңнан астам запастағы офицерлер даярлап шығарды.

Әскери кафедра тәжірибелі оқытушылардың жетекшілігімен 17 әскери мамандық бойынша запастағы офицерлерді даярлайды. Мәселен, құрлықтағы әскерлердің әуе шабуылына қарсы қорғаныс күштері (ӘШҚ), мотоатқыштар әскерлері, әскери барлау органдарының офицерлері, оқу құрылымдарының офицерлері, әскери психологтер, әскери журналистер мен идеологтер, байланыс әскерлерінің офицерлері, әскери метеорологтер, денешынықтыру және спортты ұйымдастыру офицерлері.

2015 жылдан бастап Әскери кафедрада жас жігіттермен қатар, дабыл бөлімшелерінің офицерлері, әскери психологтер мен әскери журналистер мамандықтары бойынша студент қыздар да білім алуда.

ҚазҰУ-дың Әскери кафедрасының оқу-материалдық базасы бар, оның құрамына жеке оқу корпусы, 40-тан астам мамандандырылған оқу кабинеттері, интерактивті лазерлік тир, әуе шабуылына қарсы қорғаныс және мотоатқыштар әскерлерінің полигондары, мотоатқыштар әскерлерінің жауынгерлік оқу техникасы, жауынгерлік жаттығулардың интерактивті тренажерлары енеді.