Әл-Фараби атындағы ҚазҰУ қызметкерлері жатақханаларда тәртіпті сақтау тақырыбында бірқатар жиналыстар өткізіп, оған 1 курс студенттері мен студенттер үйінде тұратын белсенділер қатысты.
Іс-шараларға ЖОО факультеттерінің І курс студенттері, ҚазҰУ студенттік қалашығы дирекциясының және студенттер кеңесінің өкілдері, Бостандық ауданының полиция бөлімінің қызметкерлері және факультеттердің эдвайзерлері қатысты.
![](/content/images/news/84905.jpeg)
Бірінші курс студенттері кездесу барысында студенттік кеңес төрағалары және жатақхана старосталарымен танысты. Сондай-ақ студенттер үйінде тұру ережелері, Әл-Фараби атындағы ҚазҰУ студенттік қалашығы аумағында тұрғындардың қоғамдық тәртіп пен қауіпсіздікті сақтау ережелері баяндалды. Сонымен қатар қылмыстар мен құқық бұзушылықтардың алдын алу мәселелері де қозғалды.
![](/content/images/news/84906.jpeg)
![](/content/images/news/84907.jpeg)
Кездесу нәтижесінде студенттер жатақханалардағы тәртіп пен тазалық туралы өздерін қызықтырған сұрақтарға және басқа да тақырыптарға жауап алды. Ұйымдастырушылық сипаттағы бірқатар мәселелер шешілді, мысалы: қоғамдық көмекшілерді таңдау, жатақхана қабаттарының басшыларын, студенттік активтің кезекшілік кестесін бекіту және т.б.
![](/content/images/news/84909.jpeg)
Мұндай іс-шаралар І курс студенттеріне студенттік қалашықтағы өмір ережелері туралы білімдерін толықтыруға, жаңа жағдайларға бейімделуге, студенттік өмірге енуге және үйренуге көмектеседі.
![](/content/images/news/84908.jpeg)
Әл-Фараби атындағы ҚазҰУ-дың Баспасөз қызметі