ҚАЗҰУ BEST GLOBAL UNIVERSITIES РЕЙТИНГІНЕ ЕНДІ

Әл-Фараби атындағы Қазақ ұлттық университеті әлемдегі ең үздік 2000 университетті қамтитын Best Global Universities рейтингіне енді.     

US News есептеулерінің қорытындысы бойынша барлық ЖОО-лар, сонымен бірге Әл-Фараби атындағы ҚазҰУ 13 көрсеткіш бойынша бағаланған: жаһандық бағалау, жаһандық зерттеу беделі, өңірлік зерттеу беделі, жарияланымдар, кітаптар, конференциялар, дәйексөздің әсері, жарияланымдар саны, жарияланымдардың жалпы санының пайызы, халықаралық ынтымақтастық,  жоғары цитаталанған мақалалар саны, жоғары цитаталанған мақалалардың пайызы.

Сондай-ақ US News & World Report-тың тоғызыншы жыл сайынғы әлемдегі үздік университеттер рейтингі қандай университеттер салыстырылатыны және олардың қандай лауазымға ие екені туралы жалпы түсінік беру үшін дайындалды. Өйткені жыл өткен сайын шетелдік университеттерге түсуді жоспарлап отырған студенттер саны үнемі өсіп келеді. Академиялық зерттеулерге және жалпы ЖОО беделіне сүйенетін әлемдегі ең озық университеттердің рейтингі бұл талапкерлерге бүкіл әлемдегі білім беру ұйымдарын шынайы салыстыруға көмектеседі.

Биылғы Best Global Universities жалпы рейтингіне 95 елден 2000 үздік ЖОО кірді.  Бұл рейтингті құрудың алғашқы қадамы 2000 үздік университетті бағалау үшін 2011 университеттер пулын құрудан бастау алды. Нәтижелерді есептеу кезінде Clarivate ™ жаһандық беделділікті зерттеу нәтижелері және 2016 жылдан 2020 жылға дейін жарияланған мақалалардың ең төменгі шегі ескерілді. Бұл екі критерий 2022-2023 жылдарға арналған 2000 университеттің соңғы рейтингтік пулын құрады.

Екінші қадам жаһандық зерттеулердің тиімділігін өлшеу үшін таңдалған 13 көрсеткішті пайдаланып рейтингті есептеу болды. Рейтинг индикаторлары мынадай көрсеткіштерді қамтиды: жаһандық зерттеу беделі; аймақтық зерттеу беделі; басылымдар; кітаптар; конференциялар; дәйексөздің қалыпқа келтірілген әсері; жалпы дәйексөздер; ең көп кездесетін дәйексөздердің 10 пайызына кіретін жарияланымдардың жалпы санының пайызы; халықаралық ынтымақтастық; өз саласында ең көп келтірілген дәйексөздердің 1 пайызына кіретін мақалалар саны; ең көп келтірілген мақалалардың 1 пайызына кіретін жарияланымдардың жалпы санының пайызы.

Әл-Фараби атындағы ҚазҰУ-дың Баспасөз қызметі