ЮНЕСКО кафедраларының жұмыс кеңесі өтті

Әл-Фараби атындағы ҚазҰУ-дың география және пайдалану факультеті Тұрақты даму бойынша ЮНЕСКО кафедрасының профессорлық-оқытушылық құрамы, Қазақ-неміс университетінде өткен «Қазақстандағы ЮНЕСКО-ның білім және ғылым саласындағы отбасы» тақырыбында ұйымдастырылған Қазақстан ЮНЕСКО кафедраларының I жұмыс кеңесіне қатысты.

Іс-шараға әлем бойынша ЮНЕСКО кафедраларының бағдарлама жетекшісі И.Нишанян (онлайн, Париж қ.), Қазақстан Республикасының ЮНЕСКО істері жөніндегі ұлттық комиссиясының бас хатшысы А.Байсабаева, ЮНЕСКО Кластерлік бюросының директоры М.Магнуссон (онлайн), Германия Федеративтік Республикасының бас консулы В.Фауст, Ұлттық комитет төрағасының орынбасары Р.Музафаровтар қатысты.

ЮНЕСКО кафедралары мен орталықтары арасында тәжірибе алмасу платформасын ұйымдастыру мәселесі талқыланды. Қазақстандағы ЮНЕСКО-ның барлық кафедралары өз қызметі туралы баяндама жасады. Тұрақты даму бойынша ЮНЕСКО кафедрасының меңгерушісі Т.Базарбаева кафедра жұмысының бағыттарын, басты табысты жобаларын баяндап, 2022-2023 жылдарға жоспарланған іс-шаралармен таныстырды. Семинарға қатысушылар ЮНЕСКО-ның Орталық Азия өңірі және бүкіл әлем бойынша кафедраларымен тиімді ынтымақтастықты ұйымдастыруға ортақ ниет білдірді. Қазақстанның барлық ЮНЕСКО кафедралары Париж қаласында ЮНЕСКО штаб-квартирасында 3-4 қарашада өтетін ЮНЕСКО/ UNITWIN бағдарламасының 30 жылдығына арналған халықаралық конференцияға шақырылды.

Ольга ЗУБОВА,

Тұрақты даму бойынша ЮНЕСКО кафедрасы

меңгерушісінің ғылыми-инновациялық

және халықаралық байланыстар бойынша

орынбасары