Әл-Фараби атындағы Қазақ ұлттық университетінің Басқарма Төрағасы — Ректоры Жансейіт Түймебаевтың апталық жұмысына шолу
26.03.2023
- Университет ректоры Қазақстан Республикасы Мәжілісі мен жергілікті мәслихаттар сайлауында дауыс берді.
- Жансейіт Қансейітұлы университет қалашығындағы «Жаңа Қазақстан: Қоғамды ұйыстыратын құндылықтар» тақырыбында өткен Наурыз мерекесіне қатысып, мерекелік лебізін жеткізді.
- Оқу ордасының басшысы «Жаңа Қазақстан: Қоғамды ұйыстыратын құндылықтар» мерекелік бағдарламасы аясында “Наурыз-Арт” суретшілер көрмесінің ашылу рәсіміне және жатақханадағы Наурыз мейрамына қатысты.
- Жансейіт Қансейітұлы Түркітілдес елдер Парламенттік Ассамблеясы және шетелдік дипломатиялық корпус өкілдерімен, консулдармен бірге ҚазҰУ-да Наурыз мейрамы аясында бой көтерген “Шеберлер ауылын” аралап, Наурыз мерекесінің әлем елдерінде тойлану үрдістерімен танысты.
- Сондай-ақ ректор Ұлыстың ұлы күніне орай ұйымдастырылған Наурыз жәрмеңкесіне қатысты.
- Жансейіт Түймебаев филология факультетінің оқытушыларымен бірге «Қазіргі қазақ тілі: графика және орфография» тақырыбында дөңгелек үстел отырысын өткізді.
- Жансейіт Қансейітұлы ҚХР-дың Алматыдағы бас консулы Цзян Вэй бастаған делегациямен кездесіп,серіктестікті одан әрі арттыру бойынша мәселелерді талқылады.
- ҚазҰУ басшысы барша мұсылман қауымын қасиетті Рамазан айының басталуымен құттықтады.
