Әл-Фараби атындағы Қазақ ұлттық университетінің Басқарма Төрағасы – Ректоры Жансейіт Түймебаев Ресей Федерациясына жұмыс сапары барысында Ұлы Петр Санкт-Петербург политехникалық университетінің (СПбПУ) ректоры Андрей Рудскиймен кездесті.
![](/content/images/news/94715.jpg)
Кездесуде Санкт-Петербург политехникалық университетінің ректоры оқу орнының инфрақұрылымын көрсетіп, жаңа ғылыми жобалармен таныстырды.
![](/content/images/news/94709.jpg)
![](/content/images/news/94710.jpg)
Өз кезегінде ҚазҰУ ректоры Жансейіт Түймебаев Әл-Фараби атындағы университеттің терең тарихы мен ғылыми-білім беру бағытында атқарып отырған жұмыстарына тоқталды.
![](/content/images/news/94711.jpg)
ҚазҰУ мен Санкт-Петербург арасында 2015 жылы ғылым мен білім беру саласындағы ынтымақтастық туралы келісімге қол қойылды. Серіктестік шеңберінде 2021 жылдың 2 қаңтарында Coursera (Корсера) халықаралық білім беру платформасында жарияланған «Молекулярлық биология әдістері» (Methods of molecular biology) атты Әл-Фараби атындағы ҚазҰУ-дың алғашқы жаппай ашық онлайн-курсы бірлескен жоба жүзеге асырылды. Курстың негізгі авторлары мен әзірлеушілері – ҚазҰУ-дың биология және биотехнология факультетінің Молекулалық биология және генетика кафедрасының қызметкерлері. Онлайн курсты Жаңа білім беру технологиялары институты (ЖББТИ), биология және биотехнология факультеті мен СПбПУ бірлесіп әзірледі.
![](/content/images/news/94698.jpg)
Бүгінгі таңда ҚазҰУ ресейлік ЖОО-лармен бірлесіп қосдипломдық 31 білім беру бағдарламасын жүзеге асыруда. ҚазҰУ-дың 14 факультеті Ресей Федерациясының жеті серіктес жоғары оқу орнымен ынтымақтасады. Академиялық ұтқырлық аясында қазіргі уақытта университетте Ресей Федерациясының 53 студенті білім алады және соңғы үш жылда университетке Ресейдің 40-қа жуық ғалымы келіп кеткен.
![](/content/images/news/94707.jpg)
![](/content/images/news/94708.jpg)
Жүздесу барысында қос университет басшылары білім беру мен ғылыми ынтымақтастық туралы шартқа қол қойды.
![](/content/images/news/94713.jpg)
![](/content/images/news/94714.jpg)
![](/content/images/news/94712.jpg)
Әл-Фараби атындағы ҚазҰУ-дың Баспасөз қызметі