ОРАЗА АЙТ ҚАБЫЛ БОЛСЫН!

Құрметті Әл-Фараби атындағы Қазақ ұлттық университетінің оқытушы-профессорлары,

студенттері, магистрант, докторанттары!

Сіздерді Ораза айт мерекесімен шын жүректен құттықтаймын!

Мемлекет басшысы Қасым-Жомарт Тоқаев өз құттықтауында:

«Бұл – күллі мұсылман қауымының ұлық мейрамы. Ораза ұстаған жамағат осы мерекені асыға күтеді. Алыс-жақын ағайын бір-бірінің үйіне барып, жылы лебізін білдіреді. Халқымыздың ынтымағы нығайып, бірлігі беки түседі.

Ислам – имандылықты, бейбітшілікті, мейірімділікті дәріптейтін асыл дін. Осы игі құндылықтар елдің амандығы мен берекесін тілейтін ұлтымыздың салт-дәстүрімен біте қайнасып жатыр. Сондықтан бұл бір шаңырақта тату-тәтті өмір сүріп жатқан барша жұртымыз үшін қадірлі ұғымдар», – деп атап өтті.

Қасиетті Рамазан айында ораза ұстаған барша мұсылманға амандық, саулық тілеймін.

Мемлекетіміздің тұғыры биіктеп, халқымыздың рухани күш-жігері арта берсін.

Еліміз аман, жұртымыз тыныш болып, береке-бірлігіміз тарқамасын.

Ораза айт мейрамы әр шаңыраққа шаттық пен бақ-береке әкелсін.

Айт қабыл болсын!

Ізгі ниетпен

Әл-Фараби атындағы Қазақ ұлттық университетінің

Басқарма Төрағасы – Ректор Жансейіт ТҮЙМЕБАЕВ