Әл-Фараби атындағы Қазақ ұлттық университетінің Басқарма Төрағасы — Ректоры Жансейіт Түймебаевтың апталық жұмысына шолу
21.05.2023
- ҚР Президенті Қасым-Жомарт Тоқаевтың ҚХР-ға мемлекеттік сапары аясында Жансейіт Түймебаев Қытайға жұмыс сапармен барды.
- Қасым-Жомарт Тоқаев пен Си Цзиньпинің қатысуымен өткен кездесуде университет ректоры Жансейіт Түймебаев пен ҚХР Қазақстандағы төтенше және өкілетті елшісі Чжан Сяо Солтүстік-Батыс политехникалық университетінің филиалын ҚазҰУ-да ашу жөнінде келісімге қол қойды.
- Қазақстан Президенті Қ.Тоқаев ҚХР-ға мемлекеттік сапары барысында Сиань қаласындағы Қазақстанның Бас консулдығын ашты. Ресми шарадан кейін Жансейіт Түймебаев Қытайдың жетекші жоғары оқу орындарымен және институтымен ынтымақтастық туралы меморандумға қол қойды.
- Ректор Қытайға жұмыс сапары барысында Солтүстік-Батыс политехникалық университетінің ректоры Сун Баовэймен кездесіп, екіжақты ынтымақтастық бағытындағы мәселелерді талқылады.
- Сондай-ақ Жансейіт Қансейітұлы Сиань Цзяотун университетінің президенті Ван Шугомен кездеcті.
- ҚазҰУ басшысы Қытайдың CCTV (China Central Television) мемлекеттік телеарнасына арнайы сұхбат берді.
- Ректор университетке арнайы келген Қырғыз Республикасының Тұңғыш Президенті, Әл-Фараби атындағы ҚазҰУ-дың құрметті профессоры, Ресей Ғылым академиясының академигі Асқар Ақаевтың көшбасшылық дәрісіне қатысты.
- Жансейіт Қансейітұлы «Қазіргі халықаралық қатынастар және дипломатия: Қазақстан Республикасының рөлі мен орны» атты халықаралық қатынастар саласы мамандарының І форумына қатысып, баяндама жасады.
- ҚазҰУ басшысы Үндістанның Бомбей технологиялық институтынан келген делегацияны қабылдады.
