Педагогикалық практиканың берері мол

Филология факультеті Қазақ әдебиеті және әдебиет теориясы кафедрасының «Қазақ тілі мен әдебиеті» ма­мандығының студенттері академиялық күнтізбеге сәй­кес, Абай атындағы республикалық дарынды бала­лар­ға арналған қазақ тілі мен әдебиетін тереңдете оқы­татын мектеп-интернатта педагогикалық практикадан өтті. 

Осы уақыт аралығында сту­дент­тер өздеріне бөлінген пән оқы­тушыларымен бірлесе оқу бағ­дарламалары мен оқу жос­па­рын (ОМЖ, ҚМЖ) құруды, жеке пәндер әдістемесі бойынша әдіс­те­мелік папка жасауды үйренді. Сон­дай-ақ оқу-әдістемелік техно­ло­гиялармен танысып, көрнекі құралдармен жұмыс істеуді, тәр­бие жұмысын жоспарлау, оны қа­лай ұйымдастыру керектігі ту­ралы т.с.с. әдіс-тәсілдерді мең­гер­ді. Мектеп тарапынан прак­ти­ка жетекшісі Майра Мәліктің студенттерді практика жұмысына баулу, оқу, оқыту әдістерін тү­сін­діріп, ұйымдастыру барысында ат­қарған еңбегі зор. Сту­дент­тер­мен жұмыс істейтін сынып жетек­ші­лері мен пән оқытушылары біздің студенттердің білімділігіне, алғыр­лығына, тиянақты жауап­кер­шілігіне дән риза. Ұстаздық ма­мандықты жүректерімен қала­ған студенттер армандарының орын­далуына бір қадам жасау мақ­са­тында сынып оқыту­шы­ла­рының сабағына қатыса жүріп, пассив практика екеніне қара­мас­тан, өздерінің қабілетін сы­нап көру үшін пән оқытушыларына өтініш жасап, ашық сабақ өткізу мүмкіндігіне ие болды.

Студенттер өткізген ашық са­бақ­қа пән оқытушыларымен қа­тар, практика жетекшілері де қа­тыс­ты. Сабақ барысында сту­­­дент­тер оқушылардың өзіндік іс-әре­кетін ұйымдастыру, жеке жә­не топпен жұмыс істеу, оқу­­­­­шы­­лармен ойын әрекетін ұйым­дас­тырып, олардың сабаққа қатысу қы­зығушылығын, бел­сенділігі мен ынтасын арттыратын әдіс-тәсілдерді шебер пайдалана біл­ді. Сабақты түрлендіріп, жаңа тех­­нология элементтерін пайда­лан­ды. Пайдаланған көрнекілік құ­ралдары да эстетикалық талап­қа сай.

Сонымен қатар ашық сабақ, тәрбие сабақтарын өткізу кезінде әрбір студенттің өзіне сенімді бо­луы, өздерін еркін ұстауы, жауап­кер­шілікті сезіне отырып, бекі­тіл­ген уақытты тиімді пайдалана білуі мектеп ұстаздарының риза­шы­лығын туғызды. Талантты сту­дент­терді болашақта мектепке, ұстаздық қызметке шақырамыз деген ойларын да жасырмады. Мектеп ұстаздары осындай білімді студенттерді тәрбиелеп, білім нәрімен сусындатып жатқан филология факультетінің, соның ішінде Қазақ әдебиеті және әдебиет теориясы кафедрасының ұжымына алғыстарын білдірді.

Студенттердің бойынан жа­уап­­кершілікпен қатар, ұстаз­дық мамандыққа деген сүйіспеншілік пен талпыныстарын байқап, кө­ңі­ліміз марқайып, риза болдық. Оларға сәттілік тілеп, армандарың орындалсын деген ақжарма тіле­гім­ді білдіремін.

 Ардақ САРГЕЛТАЕВА,

Қазақ әдебиеті және әдебиет теориясы кафедрасының оқытушысы