Әл-Фараби атындағы Қазақ ұлттық университетінің Басқарма Төрағасы — Ректоры Жансейіт Түймебаевтың апталық жұмысына шолу
4-мау-23
- Жансейіт Түймебаев Қазақстан Республикасының сауда және интеграция вице-министрі Қайрат Төребаевпен кездесу өткізіп, ынтымақтастық туралы меморандумға қол қойды.
- Жансейіт Қансейітұлы Қазақстанның еңбек сіңірген қайраткері, жазушы-журналист Уәлихан Қалижанның 75 жылдық мерейтойына арналған «Қаламгер, қайраткер, саясаткер» атты салтанатты жиынға қатысты.
- Университет ректоры Президент жанындағы ҚР Ұлттық ғылым академиясының президенті Күнсұлу Закарьямен кездесу өткізді.
- ҚазҰУ басшысы профессор, ҚР ҰҒА академигі Көпжасар Нәрібаевтың құрметіне орнатылған мемориалдық тақтаның ашылуына қатысты.
- Жансейіт Қансейітұлы Жібек жолы университеттері желісінің (SUN) бас хатшысы Хван Сундонмен кездесті.
- Жансейіт Түймебаев Орталық Азия мен Моңғолиядағы Google for Developers және Google for Startups үйлестірушісі Асқар Айтуовты қабылдады.
- Оқу ордасының ректоры Орталық мемлекеттік кино-фотоқұжаттар мен дыбыс жазбалар архивінің 80 жылдығына арналған «Қазақ әдебиеті: фотошежіре 1920-1970 жылдар» атты фотоальбомның тұсаукесер рәсіміне қатысты.
- Жансейіт Қансейітұлы ҚазҰУ жоғары оқу орнына дейінгі білім беру факультеті мен бейіндік мектеп түлектерінің соңғы қоңырау кешіне қатысып, сәт сапар тіледі.
- Жансейіт Түймебаев Цукуба университетінің вице-президенті, профессор Онеда Осамамен кездесіп, өзара тиімді ынтымақтастықтың келешегін талқылады.
- Сондай-ақ ректор Ош мемлекеттік университетінің делегациясымен жүздесті.
- Жансейіт Қансейітұлы Ахмет Байтұрсынұлы атындағы Тіл білімі институты ұйымдастырған «Заманауи тілтанымдық зерттеулер» тақырыбындағы стенд-конференциясында баяндама жасады.
- Университет ректоры Ақтау қаласында өтіп жатқан ХІІ жазғы универсиада жеңімпаздарын марапаттады. Сонымен қатар универсиаданың алдағы спорттық жарыстарына қатысуға бара жатқан университеттің спортшыларына сәттілік тіледі.
- Жансейіт Түймебаев барша қазақстандықтарды 4 - маусым Қазақстан Республикасының Мемлекеттік рәміздер күнімен құттықтады.
