Игілікті инновация

ЖАСАНДЫ ИНТЕЛЛЕКТІНІ ҚОЛДАНУ АРҚЫЛЫ ДАУЫСТЫ ТАНУ КӨМЕКШІ ҚҰРАЛЫНЫҢ ЖОБАСЫН ӘЗІРЛЕУ

Қазір адамды анықтау үшін биометриялық әдістер қолданылады. Биометрия – бұл адамды бірегей физиологиялық немесе мінез-құлық сипаттамаларына негізделген сәйкестендіру әдістері мен құрылғыларының жиынтығы. Биометриялық әдістер мыналарды қамтиды: саусақ ізін алу; көз торын анықтау; бет әлпетті тану, дауысты тану; қолжазбаны тану. 

Бұл жобаның мақсаты – жасанды интеллектіні пайдалану арқылы дауысты тану. Сонымен қатар оны нақты уақыт режимінде бақылау функциясын орындайтын қосымшаны іске асыру.

Біз ғылыми зерттеулер мен ин­но­ва­цияларды дамыту, сондай-ақ ци­фр­лық салада тілдерді қолдануды іл­герілету мақсатында сөйлеу син­тезінің жобасын әзірледік. Мәтінді сөйлеуге түрлендіру дегеніміз – адамның сөй­леуін жасанды түрде жасау. Бұл жазбаша мәтінді сөйлеу сигналына түрлендіруге мүмкіндік береді. Мұндай технология интерактивті виртуалды ассистенттер, навигациялық жүйелер, ескерту жүйелері, нашар көретіндерге арналған көмекші технологиялар сияқ­ты көптеген қосымшалардың ма­ңызды құрамдас бөлігі болып са­на­лады. Ол визуалды және тактильді ин­терфейсті қажет етпестен адамның технологиямен өзара әрекеттесуін қамтамасыз етеді.

Дауысты тану және боттың жауап­та­рын дауыстау үшін Speech Recognition кітапханасы қолданылады. Жүйе сұрақ туындаған кезде шексіз циклді күтеді, біздің жағдайда микрофоннан дауыс шығады, содан кейін оны мә­тінге түрлендіреді және нейрондық же­ліге өңдеуге жібереді. Мәтіндік жа­уап алғаннан кейін ол сөйлеуге ай­налады, жазба жоба қалтасында сақ­та­лады және ойнатылғаннан кейін жойы­лады. Негізі, әдепкі пара­метр­лер­мен жауап беру уақыты жеткілікті ұзақ болуы мүмкін, кейде 15-30 секунд күту керек болады.

Осы мақала аясында дауыстық кө­мек­шіні іске асыру тәжірибесін прак­ти­калық түрде студенттермен бөліс­кіміз келеді әрі оны бұдан да ақылды және пайдалы ету үшін бірталай идеяны қарастыру арқылы қоғамға тың бағдарламалар алып келу жағын ойластырған абзал екенін айтамыз.

Дария БАЙМАНОВА,

Жанар МЕДЕТБЕК

ақпараттық технологиялар факультеті