«Айналаңды нұрландыр» жобасы аясында «Мәңгілік елдің мәңгілік құндылықтары» атты мәдени кездесу өтті.

Тарих, археология және этнология факультетінде «Айналаңды нұрландыр» жобасы аясында Дүние жүзі тарихы, тарихнама және деректану кафедрасының ұйымдастыруымен Қазақстанның белгілі мәдени қайраткерлерімен кездесу өтті. Негізгі қонақтар ретінде ҚР-ның еңбек сіңірген қайраткері, жыршы, термеші Ахан Әбдуәлібір-екі шәкіртімен, «Ұлас-электрон» ЖШС директорының орынбасары Жарқын Сәленұлы шақырылды.Мәдени іс-шараның мақсаты: студенттерге ғасырлар бойы қалыптасып, дамып келе жатқан халықтық ән-күй, жыр-терме сынды рухани қазыналарымызды кең көлемде, жан-жақты насихаттау. Сол арқылы «Мәңгілік ел» ұлттық идеясының жүзеге асуына нақты қадамдар жасау.

Мәдени іс-шараның барысында факультеттің 1-3 курс студенттері қонақ кәде жасап, олардың жыр-термелерімен сусындады. Сонымен қатар, студенттер де құр қалмай, өз өнерлерін ортаға салды. Сұрақ-жауап кезеңінде қонақтарға сауал қойылып, студенттер тұшымды жауаптар алды. Мәдени кездесу жоғары деңгейде өтті.

Іс-шараны ұйымдастырушылар: дүние жүзі тарихы, тарихнама және деректану кафедрасының меңгерушісі Қ.Т. Жұмағұлов, деканның ғылыми-инновациялық жұмыс пен халықаралық ынтымақтастық жөніндегі орынбасары Г.Е. Сабденова, аға оқыт. М.Т.Раймбекова, куратор-эдвайзерлер Т.Н.Мухажанова, Р.О. Садықова, П.Н. Нұсқабай, А.К. Шоқатова.