Миддлсекс университетіндегі ғылыми тағылымдама

Дінтану және мәдениетттану кафедрасының докторанттары Утебаева Динара мен Кабиденова Жұлдыз PhD бағдарламасы бойынша Лондон қаласының Миддлсекс университетінде ғылыми тағылымдамадан өтуде.

Тағылымдама аясында докторанттар шетелдік ғылыми жетекшілері Әлеуметтік саясатты ғылыми-зерттеу орталығының (Social Policy Research Centre, at Middlesex University) содиректоры, профессор Луиза Райанмен кездесіп, ғылыми семинарларға қатысып,зерттеу жұмыстарына қатысты кеңестер алуда.

Сондай-ақ, докторанттар Әлеуметтік ғылымдар бойынша орталық (London Centre for Social Studies) мамандарымен кездесті. Кездесу барысында орталық координаторы Rosa Vercoe жас ғалымдар мен оқытушыларға арналған ғылыми-зерттеу бағдарламаларымен таныстырды. Сонымен бірге, кездесу аясында әл-Фараби атындағы ҚазҰУ мен Әлеуметтік ғылымдар бойынша орталық арасында тығыз қарым-қатынас орнату және ынтымақтастықты нығайту сияқты көптеген мәселелер талқыланды.