БАҚ ҚазҰУ туралы

21.02.2011 "Айқын" Республикалық қоғамдық-саяси газет

Көргендіктің куәсіміз

16 ақпан 2011ж.

Елбасының 2011 жылғы Қазақстан халқына арнаған Жолдауы әрбір адам, жанұя үшін Қазақстан халқының хал-аухалын одан әрі жақсартуға бағытталған стратегиялық жоспар деп түсінемін. Солардың ішінде Нұрсұлтан Әбішұлы ең маңызды мемлекеттік үш бағдарламаға ерекше тоқталып, нақтылап айтты. Ол, білім мен ғылым саласы, денсаулық және мемлекеттік тілді дамыту. Маған, білім беру саласының өкілі болғандықтан, жоғарыда айтылған бағдарламалардың бәрі де өте жақын. Оған дәлел, егер әрбір адамның денсаулығы жақсы болса білім алуға, ғылыммен айналысуға еңбек етуге мүмкіндік береді. Ал мемелекеттік тілді дамыту дегеніміз ұлттық рухтың қалыптасып, жер бетінде Қазақ деген ұлт, мемлекет барлығын дәлелдейді.

21.02.2011 "Дала мен Қала" газеті

Абыз

ҒҰМЫРДАРИЯ

Қазір біздің арамызда Қаныш Сәтбаев, Мұхтар Әуезов, Әлкей Марғұлан, Сақтаған Бәйішев секілді қазақ ғылымының іргетасын қалаушылардың көзін көріп, соңынан ергендер тым сирек. Ал 29 жасында кандидаттық, 40 жасында докторлық диссертация қорғап, 46 жасында Ғылым академиясының толық мүшелігіне қазақ ғылымының негізін қалаушы Қаныш Сәтбаевтың өзі қабылдап, батасын берген Салық Зиманов ағамыз сол сиректердің бірі және бірегейі. Академияға мүшелікке қабылдау кезінде Қанекең «Қазақ мемлекетінің қалыптасуына, оның басқа жұрттармен теңесуіне жас ғалымның еңбектері жол ашар … » деп үміттенген екен. Даналық деп осыны айт. Қаныш Сәтбаевтың сол кездегі жорамалы 1990 жылдың 25 қазанында ақиқатқа айналды. Сол кездегі Қазақ Кеңестік Социалистік Республикасы Жоғарғы Кеңесінің депутаты және Жоғарғы Кеңес Парламентіндегі комитеттердің бірінің төрағасы қызметін атқарып жүрген Салық Зиманов ағамыз Қазақ КСР егемендігі туралы Декларацияны дайындау комиссиясын басқарып, осынау маңызды құжатты қабылдау кезінде Жоғарғы Кеңес отырысында баяндама жасады. Сөйтіп, бүгінгі Қазақстан Республикасының егемендігін заңдастырған алғашқы құжатты өмірге әкелгендер тобының басшысы болған Сәкең ағамыз кейіннен 1991 жылдың 16 желтоқсанында қабылданған «Қазақстан Республикасының мемлекеттік тәуелсіздігі туралы» заңды және тәуелсіз Қазақстан Республикасының алғашқы Конституциясын жасау жөніндегі комиссияның мүшесі де болған екен.

21.02.2011 "Казахстанская правда" общенациональная ежедневная газета

Архив Приоритет развития – логистика

12.02.2011

Минувший 2010 год для экономики Казахстана ознаменовался серьезным событием – созданием совместного с Россией и Беларусью Таможенного союза (ТС). Новое объединение значительно укрепило возможность вхождения трех государств во Всемирную торговую организацию единым экономическим пространством.

21.02.2011 «Айқын» Республикалық қоғамдық-саяси газет

19 ақпан, 2011

Алыстан сөз қозғаған абыз

Әл-Фараби атындағы Қазақ ұлттық университеті осы білім шаңырағында әр жылдарда қызмет еткен әйгілі ғалым-ұстаз, тәлімгерлердің өмір және еңбек жолдарын кейінгі ұрпаққа үлгі етіп қалдыру мақсатында сериялық кітап шығаруды қолға алған болатын. Осыған орай, республикалық «Өнегелі өмір» атты кітап редакциясының қоғамдық кеңесі құрылып, бас редактор әл-Фараби атындағы Қазақ ұлттық университетінің ректоры Ғ.М.Мұтановтың басшылығымен өз жұмысын бастап кетті.

Бүгінгі ғылым мен техника дамыған компьютерлік заманда жастар бойында патриоттық сезімді ояту, рухани сананы байыту, ұлттық дәстүрде тәрбие беру мақсатын көздеген бұл жоба алға қарай да белгілі ғалымдардың өмірбаянына арналған сериялық кітаптар шығаруын одан әрі жалғастырады. Осы үлкен бастаманың алғашқы кітабы белгілі ғалым, заңгер, ұлағатты ұстаз, қоғам қайраткері, қазақ жұртының ұлы перзенті Салық Зимановтың 90 жасқа толу құрметіне арналып отыр. Оның бүкіл саналы ғұмыры ғылымға арналса, ұстаздық қызметі Әл-Фараби атындағы Қазақ ұлттық университетінің аудиториясында өтті.

21.02.2011 "Экспресс К" ежедневная общественно-политическая республиканская газета

Молодость МОЖЕТЬ

17.02.2011

Студенты, воины-интернационалисты, депутаты, ветераны Великой Отечественной войны, школьные учителя и преподаватели ведущих вузов приняли участие в прошедшей в Алматы республиканской научно-практической конференции, посвященной вопросам нравственного и патриотического воспитания молодежи.

21.02.2011 "НұрАстана" республикалық жастар апталығы

Эльмира Жолдасова: Пластмассадан бензин өндіруге болады

Әл-Фараби атындағы Қазақ Ұлттық университеті химия фаультетінің магистранты Эльмира Жолдасова тың жаңалық ашты. Ол қоқыста жатқан пластмасса ыдыстарды жиып-теріп, одан пайдалы өнім алуға болатынын айтады.

– Эльмира, жалпы, ғылым жолына бет бұруыңа кім себепші болды?
– Ғылымға деген қызығушылығым алғаш 8-сыныпта оқып жүрген кезімде оянды. Мен Шымкент қаласындағы дарынды балаларға арналған №1 «Дарын» мектебінде білім алдым. Химия пәнінен сабақ берген ұстазымыз Шайзада Зұлпухарқызының көп көмегі тиді. Ол сабақты қызғылықты етіп түсіндіріп қана қоймай, өзі ғылым кандидаты болған соң ба, әсіресе, мені жоғары оқу орнына ертіп апарып, өздерінің ғылыми жұмыстарымен таныстыратын. Осыдан бастап мен ғылыммен айналысамын деп шештім.

18.02.2011 «ҚазАқпарат» ұлттық ақпарат агенттігі

18.02.2011 / 14:31

Жазушы Медеу Сәрсекенің Е. Бекмаханов жайындағы еңбегі жарық көрді

АЛМАТЫ. 18 ақпан. ҚазАқпарат /Ербол Тұрымбетов/ - Бүгін Әл-Фараби атындағы ҚазҰУ-дің тарих факультетінде Медеу Сәрсекенің даңқты адамдар өмірі топтамасы бойынша Мәскеуден шыққан «Бекмаханов» атты кітабының тұсаукесері өтті.

Құнды еңбек өткен жылдың желтоқсан айында басылып шыққан. Онда қазақ халқының біртуар ғалымы Ермахан Бекмахановтың өмірі мен ғылыми-шығармашылық ғұмыры баяндалған.

ҚазҰУ ректоры Ғалымқайыр Мұтанов университет кітапханасына бүгінде еңбектің 100 данасының келіп түскенін атап өтті. «Туған халқының нағыз патриоты болған ұлы ғалымның жүріп өткен өмір жолы кейінгі ұрпаққа қашан да үлгі. Кеңес Одағы тұсында өзінің Кенесары Қасымұлы туралы зерттеу еңбегі үшін қаншама қудаланды. Осындай тарихи тұлғамызды қайта түлетіп, халқымен қауыштырып отырған Медеу ағамызға үлкен алғасымызды білдіреміз», - деді ректор.

16.02.2011 «ҚазАқпарат» Ұлттық ақпарат агенттігі

16.02.2011 / 14:27

Біздің қоғамның рухы заманауи Қазақстаннның ұлттық идеясымен тығыз байланысты

АЛМАТЫ. 16 ақпан. ҚазАқпарат /Нәзира Елеухан/ - Қазіргі заман жастарына патриоттық тәрбие беру, рухани-адамгершілікті тұлғаны қалыптастыру, азаматтық көзқараста тәрбиелеу мемлекеттік маңызға ие.

Бұл туралы бүгін Алматыда Елбасының биылғы Жолдауында көрсетілген «интеллектуалды ұлт» қалыптастыруда білім және ғылым саласын дамыту жолдарын талқылауға арналған «Қазіргі заман жастарына рухани-адамгершілік және патриоттық тәрбие беру: тәжірибе, мазмұн, даму болашағы» атты республикалық ғылыми-тәжірибелік конференцияда Әл-Фараби атындағы ҚазҰУ-дің ректоры Ғалымқайыр Мұтанов айтты.

Аталмыш шарының ұйымдастырушылары - ҚР Білім және ғылым министрлігі, Алматы қаласының әкімшілігі мен Алматы қаласы Ардагерлер кеңесі және Әл-Фараби атындағы ҚазҰУ. Конференция жұмысына Алматы қаласы әкімшілігінің, Алматы қаласы Ардагерлер кенесінің, ЖОО-лар мен орта мектеп өкілдері қатысты.

Конференция барысында ҚазҰУ ректоры Ғалымқайыр Мұтанов: «Елбасы Нұрсұлтан Назарбаевтың жыл сайынғы Жолдауы әлеуметтік модернизацияға, адам капиталының қалыптасуы мен дамуына жағдай жасауға арналумен ерекшеленеді. Жолдауда қойылған ең басты міндетті орындай отырып - сапалы маман даярлауда біз қоғам алдында рухани-адамгершілікке бай толық тұлғаның қалыптасуына жауапты екенімізді ұмытпауымыз керек. Елімізге ел экономикасын жоғары деңгейге дамытатын, білімді кәсіби тұлғалар, өнегелі, өз елі мен мәдениетін сүйетін патриот жастар қажет», - деп атап өтті.

Алматы қаласы әкімінің орынбасары Серік Сейдумановтың айтуынша, біздің қоғамның рухы заманауи Қазақстанның ұлттық идеясымен тығыз байланысты. «Еліміз тәуелсіздіктің 20 жылдығына аяқ басты. Осы жылдар аралығында халықпен даңқты жолдар жасалды, ел сенімді және қарқынды дамыды. Жас буын еліміздің жеткен осы жетістіктерін бағалап, оның маңыздылығын түсінулері қажет және отан үшін аянбай еңбек етуге талпынулары керек»,-деді ол.

16.02.2011 «ҚазАқпарат» Ұлттық ақпарат агенттігі

15.02.2011 / 19:14

ҚазҰУ-дың 31 оқытушысы 2010 жылдың үздік ұстазы атанды

АЛМАТЫ. 15 ақпан. ҚазАқпарат /Әділет Мұсахаев/ - Өткен сенбіде Алматыда Жоғарғы оқу орындарының 2010 жылғы ең үздік оқытушысы атанған ұстаздарсалтанатты түрде марапатталды.

Шәкірт тәрбиелеуші ұстаздарымызды ұлықтау үшін еліміздегі жоғары оқу орындарының үздік оқытушысын анықтау байқауы бүгінгі күні дәстүрге айналып отыр. Осы орайда 2010 жылдың үздік оқытушылары анықталып, ҚР Білім және ғылым министрі Бақытжан Жұмағұлов "Жоғары оқу орындарының үздік оқытушсы - 2010" мемлекеттік грантын жеңімпаздарға табыс етті.

Нәтижесінде "Жоғары оқу орнының үздік оқытушысы" мемлекеттік грантын еліміздің 42 жоғары оқу орындарының 200 оқытушысы иеленді. "Жоғары оқу орындарының үздік оқытушысы - 2010" мемлекеттік грантын жеңіп алғандардың басым көпшілігі әл-Фараби атындағы Қазақ ұлттық университетінің оқытушы-профессорлар құрамы болды. Яғни, 2010 жылдың үздіктері қатарын ҚазҰУ-дың 31 оқытушысы толықтырды. Бұл жеңіс қара шаңырақтың білім және ғылым саласындағы көшбасшы университет екендігін тағы бір анықтап бергендігі.

Салтанатты марапаттау барысында сөз алған министр Бақытжан Тұрсынұлы биыл мемлекеттік грантқа қол жеткізген оқытушылар құрамының сапасы анағұрлым жоғары болғандығын айтып өтті. "Оқытушылардың 68 пайызы ғылым докторлары, профессорлар, ал қалғандары доценттер және ғылым кандидаттары мен PhD докторлары. Байқауға республикалық 86 жоғары оқу орнынан мыңға жуық үміткер қатысты. Олардың 43-і мемлекеттік, 12 акционерлік және 31 жекеменшік оқу орындары", - деп атап өтті министр.

08.02.2011 "ҚазАқпарат" Ұлттық ақпарат агенттігі

08.02.2011 / 16:45

ҚазҰУ-дағы жалпы және этникалық педагогика кафедрасының ашылғанына 70 жыл толды

АЛМАТЫ. 8 ақпан. ҚазАқпарат /Әділет Мұсахаев/ - Бүгін Алматыдағы ҚазҰУ-дың философия және саясаттану факультеті құрамындағы жалпы және этникалық педагогика кафедрасының 70 жылдық мерейтойына орай «Классикалық және зерттеу университеттеріндегі педагогика: қазіргі жaй-күйі, үрдістері мен даму болашағы» атты дөңгелек үстел өтті.

Аталған факультеттің деканы Ақтолқын Құлсариеваның айтуынша, шараның негізгі мақсаты - ағымдағы білім беру жағдайындағы педагогика ғылымының даму көкжиектерін анықтау әрі кәсіби шеберлікті меңгеру және қалыптасқан педагогикалық стратегияларды бағалау.

Алқалы жиынды А.Құлсариева өзінің құттықтау сөзімен ашып, 1940 жылы құрылған жалпы және этникалық педагогика кафедрасына әр жылдары Төлеген Тәжібаев сынды елімізге танымал, қазақ ғылымына өзіндік үлес қосқан адамдар басшылық еткендігін және олардың ерен еңбегі жайлы сөз қозғады. Сонымен қатар кафедраның бірқатар оқытушыларын мақтау қағаздарымен марапаттап, аталған кафедраға факультет атынан ноутбукты сыйға тартты.