- Негізгі бет
- Жаңалықтар
- БАҚ ҚазҰУ туралы
БАҚ ҚазҰУ туралы
15.06.2012 "Жас қазақ" ұлттық апталық
15.06.2012
Мыңжылдықтар саммиті
2012 жылдың маусым айында Рио-де-Жанейрода (Бразилия) «РИО+20» БҰҰ тұрақты даму бойынша ғаламдық саммит өтеді. ТМД елдерінің жоғары оқу орындары арасында бірден бір білім ордасы - әл-Фараби атындағы Қазақ ұлттық университеті Елбасы идеяларына негізделген – Энергия-экологиялық дамудың жаһандық дамуы және «Жасыл көпір» арнайы жеке секциясына қатысады.
Әлемнің жетекші университеттері тарапынан, танымал ғалымдар мен халықаралық сарапшылар тарапынан үлкен қызығушылық туғызып отырған секция мәжілісі Рио-орталықта 17 маусымда (сағат 19.30, «Т5» аудиториясы) болады.
15.06.2012 "Айқын" республикалық қоғамдық-саяси күнделікті газет
12.06.2012 "Алаш айнасы" республикалық қоғамдық саяси-күнделікті газет
12 маусым 2012
№100 (782)
Журфак жаңа бастамаларға жол ашуда
Есберген Алауханов, заң ғылымының докторы, профессор,
Әл-Фараби атындағы ҚазҰУ-дың журналистика факультетінің деканы
Әл-Фараби атындағы Қазақ ұлттық университетінің журналистика факультеті Қазақстандағы журналист мамандарын дайындайтын бірден-бір жетекші оқу орны болып табылады. Факультетте біліктілігі жоғары оқытушылар мен бұқаралық ақпарат құралдарының тәжірибелі мамандары жұмыс істейді. Профессор-оқытушы құрамының жалпы саны – 58. Ғылым докторлары, профессорлар – 12, ғылым кандидаттары – 34, аға оқытушылар – 8.
12.06.2012 "Айқын" республикалық қоғамдық-саяси күнделікті газет
12 маусым 2012
№106 (2017)
«82-нің түлектері» қара шаңырақта кездесті
Қара шаңырақ әл-Фараби атындағы Қазақ Ұлттық университетінің де байлығы - ұрпағы. Ол яғни кешегі күні қабырғасында дәріс оқып, үлкен өмірге жолдама алған - бірнеше мыңдаған түлегі. Қимай-қимай, жүрек лүпілінің үні мен сағыныш жасының тамшысына ерік берген кешегі студенттердің жүрегінде де алтын ұя есімі бойтұмар іспеттес. Бес жылды қойып, он, жиырма, тіпті, отыз жыл өтсе де олардың ойында алғашқы студенттік дәрісі, студенттік аудиториясы, тұңғыш куратор, студенттік кезеңі күні кешегідей сайрап жатыр.
Оны әл-Фараби атындағы Қазақ Ұлттық университетіне «университетім, армысың, курстастарым бармысың!» деп отыз жылды артқа тастап, кездесе келген, сағынышпен қауыша көріскен журналистика факультеті түлектерінің естеліктерінен айқын аңғардық.
12.06.2012 "Айқын" республикалық қоғамдық-саяси күнделікті газет
12 маусым 2012
№106 (2017)
Баян ЖҰБАТОВА, әл-Фараби атындағы Қазақ ұлттық университеті Шығыстану факультетінің деканы, филология ғылымдарының докторы, профессор: Уақыттағы нақтылық - табыс пен жетістікке жетудің кепілі
- Баян Нұрсұлтанқызы, Мемлекет басшысы биылғы Жолдауында білім беру жүйесін жаңғырту мәселесінің маңыздылығын айрықша атап, оқыту үдерісіне қазіргі заманғы әдістемелер мен технологияларды енгізу арқылы халықаралық стандарттар негізінде жұмыс істеу қажеттігін ескертті. Елбасы жүктеген бұл міндет қара шаңырақта қалай жүзеге асырылып жатыр?
- Уақыттың өзі талап етіп, Елбасы жүктеген міндеттерге орай қазақ білімі мен ғылымының қара шаңырағы саналатын әл-Фараби атындағы Қазақ ұлттық университеті зерттеу университетіне айналуды мақсат етіп отыр. Әрине, жаңа міндеттерді жүзеге асыру жолдары да жаңа болатыны табиғи заңдылық. Осыған орай ендігі жерде университет қызметінің басым бағыты - ғылымды дамыту екендігін Білім және ғылым министрі Бақытжан Жұмағұлов мырза ерекше атап жүр. Өйткені PhD докторларын дайындау, инновациялық қызметтерді жандандыру жоғары оқу орындарында жүзеге асады, сондықтан ғылымның деңгейі мен оған жастарды тарту жоғары оқу орны жұмысын бағалаудағы негізгі өлшемдердің біріне айналып отыр. Биылдан бастап университетте кәсіби шеберлікті шыңдауды ынталандыру, шығармашылық бастаманы дамыту, еңбек нәтижелілігін қамтамасыз ету мақсатында рейтинг жүйесі енгізілді. Бұл жүйенің тұжырымдамасы оқытушылар мен студенттердің оқыту үдерісіндегі жұмысын бағалай отырып, материалдық ынталандыру арқылы олардың өз қызметінің сапасын арттыруға мүдделі болуына әкеліп саяды. Мұнда ерекше орын оқытушы-профессорлар құрамының рейтингісіне беріледі. Нәтижесінде мұның бәрі университеттің халықаралық ғылыми және білім беру кеңістігіне енуіне жол ашады.
12.06.2012 "Алматы ақшамы" республикалық газеті
12 маусым 2012
№71 (4632)
Басты мақсат – рәміздерге деген құрметті күшейту
«Болашақ бүгіннен басталады» атты ақпараттық-әлеуметтік кампания аясында Ақпараттық-ресурстық орталық Қазақстанның Азаматтық Альянсы және Алматылық пікір-талас орталығы Бостандық аудандық әкімдігі қолдауымен әл-Фараби атындағы Қазақ ұлттық университетінде мемлекеттік рәміздер күніне арналған «Қазақстан Республикасының рәміздері» атты үлгілі пікір-талас өткізді.
Жиынға Бостандық ауданы әкімдігінің қызметкерлері мен жастар ұйымдарының өкілдері, Үкіметтік емес ұйым мүшелері мен қоғамдық қызметкерлер, пікірсайыс орталығының қызметкерлері қатысты. Шара ұйымдастырылуының басты мақсаты – жастардың мемлекеттік рәміздерге деген құрметтеін күшейту, отансүйгіштікке тәрбиелеу. Ал жиынды өткізуге – Кувейт еліндегі ҚР Әнұранының «Борат» фильмінен алынған саундтреккпен ауыстырылуы, Атырау қаласында орын алған Қазақстан жалауымен қоқыс тасу секілді жағдайлар себепші болған.
06.06.2012 "Айқын" республикалық қоғамдық-саяси күнделікті газет
06.06.12
- Қазақстан Республикасы Үкіметінің, Білім және ғылым министрлігінің 2011-2020 жылдарға арналған стратегиялық дамуын бекіту туралы қаулысы бар. Бұл құжаттардың алғашқы кезеңінде 2015 жылға дейінгі және екінші кезеңінде 2020 жылға дейінгі нақты стратегиялық бағыттар белгіленген. Осы бағыттар бойынша мемлекетіміздің алға қойған мақсаттары - өте жоғары. Құжаттардың мазмұнына қарасақ, мұнда Қазақстан Республикасының білімі мен ғылымын жоғары халықаралық деңгейге көтеру көзделген. Оның ішінде, әсіресе, еліміздің жоғары оқу орындарын бүкіл дүниежүзі танитын оқу орындарының қатарына қосу. Бұл бағытта қандай мақсаттар қойылған десек, ол мақсаттар: кәдімгі халықаралық агенттердің талаптары, яғни біз өзіміздің университетімізді халықаралық деңгейге көтергіміз келсе, сол талаптарға сәйкес болуымыз керек. Білім және ғылым министрлігінің жүргізіп жатқан саясатының білімді дамытуға арналғаны көрініп тұр. Бұл - Қазақстан университеттерін болашақта Еуропа, Америка елдерінің алпауыт университеттерімен бәсекелестікке ұмтылдыру. Ал сол деңгейге жету үшін қандай жұмыстар істеу керек? Ол үшін біз өзіміздің университетімізді тізбектеп саты-сатыға бөлуіміз керек. Елбасы
Н.Назарбаев айтып кеткен 146 жоғары оқу орындарын сатылауымыз керек. Қазақстан заңдарына сәйкес ұлттық зерттеу университеті, ұлттық университет, зерттеу университеті, мемлекеттік университет, академиялар, институттар және орта білімді оқу орындары мен колледждерге бөлуіміз керек. Бөлу үшін де әр сатының өзінің талаптары болуы қажет. Ал қойылар талаптар халықаралық деңгейде жақсы анықталған. Мысалы, зерттеу университетінің талаптары өте жоғары. Оның ішінде қойылатын талаптарға ғылым мен білімнің тығыз байланыстылығы ғылыми-инновациялық өндіріске бейімделуі, студенттер мен мұғалімдердің халықаралық әдіс алмасуы, ғылыми жұмыстарының нәтижесін халықаралық дәрежедегі басылымдарда жариялау, эндаумент және т.б. Осы бағытта университеттерімізді сұрыптап және халықаралық деңгейге көтеріп, көш басын белгілеп алсақ, онда қалған университеттер салыстырмалы түрде өз орнын тауып алар еді. Бұл жерде Білім және ғылым министрлігіне артатын жауапкершілік және міндет өте биік.
Тәуелсіздігімізді алып, еңсемізді тіктегелі жиырма жыл болды. Осы уақыт ішінде біздің жеткен жетістігіміз не десек, ол сөзсіз білім дер едім. Бүкіл дүниежүзіндегі халықтармен салыстырар болсақ, қазақ елінің жастары өте білімді. Оған бірнеше рет көзім жетті. Жұмыс бабымен, бөлінетін гранттармен болсын бірқатар шет мемлекеттерді араладым. Ұстаз болғандықтан кәсіби қызығушылығыммен шет мемлекеттегі жоғары оқу орындарының оқытушыларынан бастап, есік алдындағы күзетшіге дейін түгел дерлік дидарласып, емен-жарқын әңгімелестім. Егер шет мемлекеттерге ресми сапарлармен бара қалсаң, шетелдерде арнайы зертханаларын көрсетіп, жеткен жетістіктерін паш етеді. Ал мен арнайы уақыт бөліп, барлығын түгел аралағанды жөн көрдім. Соның арқасында қазақ жастарының білім деңгейінің жоғарылығын, біздегі бағыттың дұрыс екендігін аңғардым. Елімізде білім мен ғылымның өркендеуіне барынша мән берілуде.
Академик Б.Жұмағұлов басқарып отырған Білім және ғылым министрлігі Елбасы Н.Назарбаевтың білім және ғылым туралы алға қойған барлық міндеттемелерін іске асырып келеді. Мәселен, былтыр ғана «Ғылым туралы» заң қабылданды. Ол заң барлық ғылымды қамтып, алдағы бірнеше жылдарға жол сілтеп, даму бағытын көрсетіп отыр. Бұрындары ғылымға бөлінген қаражат көңіл көншітпейтін. Мәселен, бөлінген қаражат қажетті құрал-жабдық алуға жетсе, ғылымға жетпейтін. Ал қазір елімізде халықаралық деңгейде жабдықталған мемлекеттік лабораториялар, инженерлік лабораториялар құрылды. Айта кету керек, ғылымға бөлінген қаражат өркениетті мемлекеттердің деңгейімен бірдей болып, тіпті бізде бар бағдарламалар кейбір елдерде жоқ. Сондай-ақ ғалымдар арасында гранттар, өркениетті елдердегіден кем түспейтіндей қаражат та бөлінеді. Мысалы жыл сайын бөлінетін 200 жоғары оқу орнының үздік оқытушы гранты бар. Әрине, бұл тұрғыда мол қаражат бөлінгендіктен, жауапкершілік те зор болуы тиіс. Егер арнайы грантты жеңіп алған ғалым ғылыми жаңалығы үшін жұмсалған қаржыға дұрыс есеп бере алмаса, онда келесі жолғы гранттық байқауларға қатыса алмайды. Сол себепті ғалымдар өз ісіне жауапкершілікпен қараса, сапа жақсара түсер еді. Ғалымның ашқан жаңалығы, ғылыми жобасының маңыздылығы мен өзектілігі болмаса, олар беделді ғылыми басылымдарда жарияланбайды. Яғни нәтижесі болмайды. Ал соңғы жылдары «Болашақ» бағдарламасына да мемлекет тарапынан үлкен өзгеріс енгізілді. Бұл біздің мемлекетіміздің өсіп, келешегіне үміт артып отырғанын байқатады.
29.05.2012 "Егемен Қазақстан" жалпыұлттық республикалық күнделікті газет
Тамсандырған түлектер
Қазақстанның білім беру ісіндегі жетекші оқу орны саналатын әл-Фараби атындағы ҚазҰУ «Түлектер күнін» мамыр айының соңғы сенбісінде тойлайды. Дәстүрге айналған ҚазҰУ түлектерінің күні биыл 26 мамыр күні өтті.
25.05.2012 "Президент және халық" республикалық саяси-қоғамдық газет
Білімнің шыңын бағындырғың келсе…
25-Мамыр, 2012 | 2 рет оқылған
Қазақ ежелден атақ пен данқ қумаған, жері қандай дархан болса, жүрегі де сондай дархан халық. Ғасырлар бойы тарихтың тұңғиық қатпарынан бойына ізгі қасиеттерді жинап, тереңге тамырланған баба дәстүрін ұрпағына аманаттап келеді. ХХ ғасырдың басында Алматы қаласында құрылған әл-Фараби атындағы Қазақ ұлттық университеті бүгінде ғылым-білімнің киелі қара шаңырағына айналған.
Елбасы өзінің кезекті жолдауында: «Болашақ жастардікі», – деп мәлімдеген болатын. Сондықтан болар ҚазҰУ ректоры, академик Ғалым Мұтанов университеттегі үздік, белсенді жастарға қолдау таныту мақсатында студенттердің ғылыми-зерттеу жобалары үшін гранттар бөлінетінін, оқуда озат, әлеуметтік жағдайы төмен студенттерге қолдау ретінде атаулы шәкіртақылар тағайындау саны артып келе жатқанын айтқан.
25.05.2012 "Президент және халық" республикалық қоғамдық-саяси газет
200-орынға жоғарылады
25-Мамыр, 2012
Quacquarelli Symonds (QS, Ұлыбритания) агенттігінің зерттеулеріне сәйкес, әл-Фараби атындағы Қазақ ұлттық университеті үздік секіріс жасап, дүниежүзі деңгейіндегі университеттер көрсеткіші бойынша бір жыл ішінде әлемдік топ-университеттер рейтингісінде 200-орынға жоғарылап, 401-ші орынды иеленіп, 401-45 дәрежеге енді. Бұл ретте, ҚазҰУ әлемдік үздік университеттердің ортаңғы бөлігіне жақындаған Орталық Азиядағы тұңғыш университет болып табылады.