• ғылыми - педагогикалық бағыт - философия докторы (PhD)

1.Ғылыми бағыт бойынша өзекті мәселелерді шешуде іргелі білімнің қолданылуын көрсету; шет елдердегі ғылыми қызметтің ерекшеліктерін талдау, бағалау және салыстыру; диссертация тақырыбы бойынша зерттеу процесін құру; ғылыми мәтіндерін құрастыру және редакциялау.
2.Заманауи педагогикалық технологияларды меңгеру, коммуникативтік қабілеттерге ие болу, білім беру ортасы мен ұйымдастырушылық мәдениетті қолдау және дамыту; кәсіби салада зерттеу міндеттерін қою және шешу үшін теориялық және практикалық білімді пайдалану; зерттеу нәтижелерін талдау және бағалау; зерттеу нәтижелерін ғылыми ресімдеу.
3. Әлеуметтік қақтығыстарды шешудің жаңа тәсілдерін жүйелеу; дауларды баламалы реттеу тәсілдерінің бірі ретінде медиацияны жүргізу тәртібін талдау; әлеуметтік қақтығыстардың алдын алудағы құқықтың рөлін анықтау; құқықтық тәрбие тұжырымдамаларын синтездеу.
4.Ұлттық және шетелдік азаматтық процестік заңнамаларын салыстыру; азаматтық процестік құқығының ғылыми теориялары мен тұжырымдамаларын жүйелеу және түсіндіру.
5.Латенттік қылмыстылықты талдау; латенттік қылмыстылықтың түрлерін бағалау, жіктеу және дифференциациялау; заманауи теориялар мен тұжырымдамаларға сүйене отырып, қылмыстық құқық бұзушылықтың алдын алу бағдарламаларын әзірлеу.
6.Еуразиялық экономикалық одақ шеңберінде заңнаманы біріздендіру процесін дамытудың негізгі теориялық және практикалық проблемаларын жүйелендіру; Еуразиялық экономикалық одақ шеңберінде қаржы және кеден заңнамасы саласындағы проблемаларды анықтау және бағалау; Қазақстан Республикасының қаржы және кеден заңнамаларын іске асыру практикасын жүйелеу.
7.Ғылыми білімнің әдіснамалық негіздерін жүйелі түсінуді көрсету; құқықтық түсіністік тұжырымдамаларын талдау және жүйелеу, құқықтың адам, қоғам және мемлекет үшін маңыздылығын бағалау; академиялық адалдық пен парасаттылық қағидаттарын сақтау; сыбайлас жемқорлық көріністеріне төзбеушілікті, сыбайлас жемқорлыққа қарсы мәдениетті, азаматтық жауапкершілікті қалыптастыру.
8.Қылмыстылықтың виктимологиялық алдын алу ерекшеліктері туралы біртұтас түсінікті дәлелдеу; қылмыс құрбандарының құқықтарын қорғау және алдын алу мәселелеріне қатысты заңнамадағы өзгерістерді бағалау.
9.Дербес деректерді қорғауды қамтамасыз етудің құқықтық негіздерін талдау; дербес деректерді қорғауды қамтамасыз ету мәселелері бойынша мемлекеттік органдар қызметінің бағыттарын айқындау; дербес деректерді қорғау құқығын қамтамасыз ету бойынша практикалық ұсынымдар әзірлеу; дербес деректерді қорғауға қатысты ұлттық және шетелдік заңнаманы салыстыру.
10.Әлеуметтік қамсыздандыру саласындағы заңнаманы жаңғырту үдерістерін бағалау; әлеуметтік қамсыздандыру құқығы саласындағы қазіргі заманғы ғылыми мектептердің әлемдік үрдістері мен даму серпінін сыни бағалау; Қазақстан Республикасының әлеуметтік-қамтамасыз ету заңнамасын жаңғыртуға қатысты ғылыми ұстанымын түсіндіру және дәлелдеу.
11.Қоршаған ортаны қорғаудың құқықтық тетігін жетілдірудің негізгі бағыттарын жүйелеу; табиғат қорғау қызметін құқықтық реттеу мәселелері бойынша ғылыми тұжырымдамаларды бағалау; халықаралық стандарттарды ескере отырып, Қазақстан Республикасының қоршаған ортаны қорғаудың құқықтық тетігін дамыту үрдісін айқындау.
12.Жазалардың криминопенологиялық параметрлерін және олардың түрлерін, қылмыстық және криминопеналдық құбылыстарды жүйелі түрде түсіну және жіктеу; қылмыстық сот ісін жүргізуді реформалау процестерін талдау; қазіргі қоғамның қажеттіліктерін ескере отырып, қылмыстық заңнаманы реформалау жолдарын анықтау.