Тиімді диалог алаңы

Әл-Фараби атындағы ҚазҰУ-да «Қазақстан-2050» Стратегиясы: университеттер қоғамды жаңғырту драйвері ретінде» атты республикалық ғылыми-тәжірибелік  конференция өтті. Университеттің 85 жылдығына орай ұйымдастырылған конференция ҚР БҒМ, Жоғары оқу орындары ректорлары Кеңесінің және жоғары оқу орындары ҰҒА қолдауымен өтті.

Оның жұмысына ҚР БҒМ өкілдері, ректор, проректорлар, еліміздің жетекші жоғары оқу орындарының құрылымдық бөлімшелерінің басшылары және «Майкрософт Қазақстан» ЖШС басшысы қатысты. Конференцияның мақсаты-ұлттың бәсекеге қабілеттілігін арттыру бойынша алдыңғы қатарлы идеялар мен тәсілдерді талқылау.

ҚазҰУ ректоры Ғалым Мұтанов конференцияға қатысушыларды қарсы алып, университеттердің қоғамды модернизациясындағы рөліне ерекше назар аударып, ғылыми инновациялық экономикаға көшу арқылы бәсекеге қабілетті елдердің қатарына кіру факторларына тоқталды. Сондай-ақ, экономика мен қоғамның инновациялық дамуының «үштік спираль» моделін табысты пайдаланатын дамыған елдердің тәжірибесі де атап өтілді.

«Бұл үдерістерде бүкіл әлемде зерттеу университеттері ерекше рөл атқарады. Осылайша, бүгінде көптеген елдер жаңа технологиялық тәртіптер негізінде білім экономикасына көшуде, онда заманауи технологиялар мен жаңа білімдер мен жоғары білікті мамандар мемлекеттің бәсекеге қабілеттілігінің негізгі факторы болып табылады. Зерттеулер мен талдауларды жүргізетін университеттер мұндай жағдайда ғылыми өндіріс үшін маңызды ресурс болып табылады. Осыған байланысты, қазақстандық жоо-лар еліміздің ұлттық инновациялық жүйесінің интеллектуалды драйвері болуы тиіс», – деп атап өтті ҚазҰУ ректоры.

Бүгінде ҚазҰУ-дың бағыты барлық қызмет саласына IT технологияларды белсенді енгізуге және заманауи сандық инфрақұрылымды құруға бағытталған. ҚазҰУ-дың ғылыми-технологиялық паркі «Аl-Farabi-1» және «Аl-Farabi-2» университеттік наноспутниктерін сәтті іске қосты. Қазақстанда алғаш рет Жерді қашықтықтан зондтау орталығы ұйымдастырылды. Бизнестің қатысуымен табысты стартаптар мен спин-офф компаниялар құрылды, ғылыми негізі бар өнімдердің тәжірибелік-өнеркәсіптік өндірісі ашылды. Сондай-ақ, ҚазҰУ «Silicon Valley» үлгісі бойынша «Жаңа Жібек жолы университеттерінің Альянсы» инновациялық IT-технопаркін құруға бастама жасады. Технопарктің өзегі Елбасының бастамасымен Қытай үкіметінен алынатын, посткеңестік кеңістіктегі ең қуатты есептеу ресурсы болатын суперкомпьютер болады.

Конференцияда сондай-ақ «Майкрософт Қазақстан» ЖШС білім беру секторының жетекшісі Нұрлан Жаныбек, Almaty Management Universiti президенті Асылбек Қожахметов, Қазақ ұлттық аграрлық университетінің ректоры Тілектес Есполов баяндама жасады.

 А. Қожахметов өз баяндамасында университеттің кәсіпкерлік құрылым ретінде қалыптасуында басты рөлге айналған университеттердің әлеуметтік миссиясына тоқталды. Ғалымның пікірінше, экономика жағдайында университеттер өзіндік «дамудың қозғаушы күші» рөлін атқарады және олардың әлеуметтік бағыттағы қызметі ғылыми білімді коммерцияландыру немесе біліктілікті арттыру бағдарламаларын әзірлеу сияқты аса маңызды.

Конференция шеңберінде сондай-ақ пленарлық отырыстар мен тақырыптық секциялар бойынша жұмыстар өтті, онда қоғамды жаңғыртудағы университеттердің рөліне арналған кең ауқымды мәселелер талқыланды.

Конференция «Қазақстан-2050» Стратегиясында қойылған міндеттерді талдауға және іске асыруға баға беруге мүмкіндік беретін ғылыми-білім беру қоғамдастығы үшін тиімді диалог алаңына айналды.

Конференция жұмысы барысында қатысушылар жоғары білікті мамандарды тиімді дайындау процесін қамтамасыз етумен қатар, патриоттарды, білімге, ұлттық бірегейлікке, прагматизмге, сананың ашықтығына, әлеуметтік жауапкершілігі мен тағы да басқа негізгі адами құндылықтары бар ел және әлем азаматтарын қалыптастыруға бағытталған жұмыстарын жүзеге асыру қажеттігін айтты.

Конференция соңында ғылым және білім саласындағы өзекті мәселелерді жүзеге асыру бойынша ҚР Білім және ғылым министріне арналған қарар қабылданды.

www.kaznu.kz