Факультет жаңалықтары мен оқиғалары

Әл-Фараби атындағы ҚазҰУ Шығыстану факультетінің Таяу Шығыс және Оңтүстік Азия кафедрасының ұйымдастыруымен Сауд Арабиясы Королдігі әл-Жуф (Al-Jouf University, Saudi Arabia) университетімен бірлескен «Шетелдіктерге заманауи технологияны қолдана отырып араб тілін үйрету» атты халықаралық кезекті семинар басталды.

2020 жылдың 3 мамырында Таяу Шығыс және Оңтүстік Азия кафедрасының басшылығы және оқытушылар құрамы жазғы сессия мәселелеріне байланысты кафедра студенттерімен онлайн кездесу өткізді. Кездесуде емтихан тапсырудың түрлері және техникалық мүмкіндіктері туралы мәселелер қозғалды.

Әл-Фараби атындағы Қазақ Ұлттық университеті, Шығыстану факультеті, Таяу Шығыс және Оңтүстік Азия кафедрасының, Түрксой кафедрасының бірінші курс докторанттары студенттер арасында ерікті қозғалысты жандандыру мақсатында студенттермен «2020 - Қазақстандағы еріктілер жылы» тақырыбында бейнеконференция өткізді.

18-сәуірде Табатабаи университеті, Иран Ислам Республикасының Қазақстан   Республикасындағы Мәдени Өкілдігі және әл-Фараби атындағы Қазақ Ұлттық университеті шығыстану факультеті Таяу Шығыс және Оңтүстік Азия кафедрасы ирантану бөлімінің ұйымдастыруымен   "Парсы тілі мен әдебиеті туралы ғылыми отырыс" атты   халықаралық онлайн-курсы басталды.

Әл-фараби атындағы Қазақ Ұлттық Университеті Шығыстану факультеті Таяу Шығыс және Оңтүстік Азия кафедрасы, хинди-урду тілдері бөлімі оқытушылары студенттермен бейне-конференция аркылы "Қазақ халқының салт-дәстүрлерін жаңғырту жұмыстарын күшейтіп, орта және жоғары білім беру мекемелерінде тарих, әдебиет, өлкетану, география, мәдениеттану сабақтарында студенттердің Отанға, туған жерге деген сүйіспеншілігі мен патриоттығын арттыруға" бағытталған іс-шаралар аясында "Қазақстан мен Үндістанның көктемгі мерекелері" тақырыбында тәрбие сағатын өткізді.

Сəуірдің 11-жұлдызында "Рухани жаңғыру" бағдарлама аясында " Абай Құнанбайұлының өлеңдерін араб тілінде мәнерлеп оқу" атты Таяу Шығыс және Оңтүстік Азия кафедрасының 3-курс студенттерімен онлайн іс-шара өтілді.

Әл-Фараби атындағы Қазақ ұлттық университетінде 2020 жылдың сәуір айының 6-9 күндері аралығында «Фараби әлемі» атты студенттер мен жас ғалымдардың халықаралық ғылыми конференциясы дистанциялық форматта өтті. Конференцияға Қазақстанның және шет елдердің жоғары оқу орындары мен ҒЗИ 35 жасқа дейінгі студенттер, магистранттар және жас ғалымдар қатысты. Қатысушылардың баяндамалары секциялық мәжілістерде 2020 жылдың 6-8 сәуірінде ғылымның әр түрлі саласындағы ғылыми жаңалықтарының теориялық, тәжірибелік және қолданбалы сипаттағы баяндамалары тыңдалды.

2020 жылдың 26-27 наурыз аралығында Әл-Фараби атындағы Қазақ Ұлттық университеті, Шығыстану факультетінде «5В020900 Шығыстану» мамандығы бойынша республикалық студенттік олимпиада өтті. Олимпиада мақсаты еліміздегі «шығыстану» мамандығы бойынша оқып жатқан студенттердің тіл меңгеру деңгейін көтеру, шығармашылық қабілеттерін дамыту, олардың оқуға деген ынталары мен белсенділіктерін арттыру, дарынды студенттерді іріктеу және қолдау көрсету сонымен қатар жоғарғы оқу-орындары арасындағы байланысты нығайта түсу.

Ичикава жапон үйі әл-Фараби атындағы Қазақ ұлттық университеті шығыстану факультеті Қиыр Шығыс кафедрасы студенттерінің жыл сайын өндірістік тәжірибеден өтіп жүрген практика базаларының бірі.