Жаңалықтар

Әл-Фараби атындағы ҚазҰУ қызметінің маңызды бағыттарының бірі халықаралық академиялық ұтқырлық бағдарламасы. Оның белсенді дамуының арқасында оқытушылар, докторанттар мен магистранттар Чикагодағы Иллинойс университеті сияқты әлемнің беделді жоғары оқу орындарында тағылымдамадан өтіп, құнды білім мен тәжірибе жинақтауда.

Жуырда Алматы қаласы Қоғамдық даму басқармасының қолдауымен «Мәңгілік Қазақстан» қоғамдық қоры және әл-Фараби атындағы Қазақ ұлттық университетінің философия кафедрасы ұлы ойшыл Әбу Насыр Әл-Фарабидің 1150 жылдығына арналған «Ұлы ғұлама Әл-Фарабидің әлем өркениетіне ықпалы» атты халықаралық онлайн конференция өтті. Іс-шараға отандық және шетелдік ғалымдар, зерттеушілер қатысты.

Әл-Фараби атындағы ҚазҰУ-дың тұрақты дамуы бойынша ЮНЕСКО кафедрасының оқытушы-профессорлық құрамы онлайн өткен «Қоршаған ортаны қорғау және «жасыл даму» саласындағы әлеуметтік серіктестік» атты халықаралық ғылыми-практикалық конференцияға қатысты.

Биылғы жылы POSCO Asia Fellowship халықаралық корпорациясы әл-Фараби атындағы ҚазҰУ-дың  10 студентін стипендиямен марапаттады.

Әл-Фараби атындағы Қазақ ұлттық университеті нормативтік құқықтық актілер жобаларына сыбайлас жемқорлыққа қарсы ғылыми сараптама жүргізудің үйлестірушісі болып белгіленді.

«Рухани жағыру» бағдарламасы мен Елбасының «Ұлы даланың жеті қыры» мақаласы аясында Қазақ ұлттық университеті Әл-Фараби халықаралық серіктестерімен бірге әл-Фараби туралы отандық және шетелдік телеарналардан көрсетілген бірқатар деректі фильмдер түсірді.

ҚазҰУ жанындағы Әл-Фараби орталығы ҚР Білім және ғылым министрлігінің қолдауымен ұлы ойшылдың 1150-жылдығына, оның шығармашылық мұрасын және қазіргі заманғы адамзат үшін маңыздылығын зерделеуге, сондай-ақ ғылымды дамытудың заманауи мәселелеріне арналған «Science Talks» форматындағы онлайн шаралар сериясын жалғастыруда.

Әл-Фараби атындағы ҚазҰУ-дың студенті Әйгерім Боранғазы Қазақстанның жоғары оқу орындарының студенттері арасында «Әлем елдерінің сайлау жүйелері» интернет-олимпиадасында, «Үздік дебатер» байқауында жеңіске жетті.

Әл-Фараби атындағы ҚазҰУ-да "Сұңқар" студенттер мен магистранттар кәсіподағының ұйымдастыруымен "Білім беру саласындағы сыбайлас - жемқорлықтың алдын - алу механизмдері тақырыбында Қазақстан Республикасы сыбайлас - жемқорлыққа қарсы іс - қимыл агенттігінің "Саналы ұрпақ" кеңесінің басшысы Қайыржан Ахметбекұлының қатысуымен танымға толы онлайн вебинар өтті.

Киберспортқа әуесқой барлық студенттерді қуантуға асығамыз! Қазақстанда алғаш рет киберспорттық студенттер лигасы құрылды! Студенттік киберспорт бойынша ұлттық жобасы - National Esports Student Association, «Халық» қайырымдылық қоры, ҚР Ұлттық Олимпиада комитеті және Н.Назарбаевтың білім беру қоры Qazaq Cybersport Federation қолдауымен іске қосылды.