Жаңалықтар

Қазақ әдебиетінің тарихынан ойып тұрып орын алатын кесек тұлға, қарымды қаламгер, суреткер жазушы Әбіш Кекілбаев университет қабырғасында жүрген кездің өзінде жазған алғашқы шығармаларымен-ақ әдеби қауым мен оқырман жұртшылықтың назарын өзіне аудара білгенін, ұлы Әуезовтің өзі болашағынан үміт күтіп, бағдар бергенін білеміз.

POSCO TJ Park Foundation қорының бағдарламасы аясында әл-Фараби атындағы ҚазҰУ-дың он студенті «Азия елдеріндегі үздік студенттерге шәкіртақы» иегері атанды. Ол жыл сайын Азияның 10 еліндегі 12 университеттің үздік студенттеріне тағайындалады.

Әл-Фараби атындағы Қазақ ұлттық университетінде биыл жүз жылдық мерейтойын мерекелеп жатқан еліміздегі ең байырғы, басты басылымы «Egemen Qazaqstan» республикалық газетінің апталығы ұйымдастырылды. 

Әл-Фараби атындағы ҚазҰУ химиялық технология бойынша Х Халықаралық Бірімжанов съезін өткізді. Съезд аясындағы іс-шаралар әл-Фараби атындағы ғылыми кітапханада және факультеттің "Малахит" залында өтті.

Индонезиялық «Universitas Pertamina» университеті әл-Фараби атындағы ҚазҰУ-мен тығыз қарым-қатынас орнатуға мүдделі. Бұл туралы ҚазҰУ басшылығымен кездесу барысында индонезиялық университеттің ғылым, даму және ынтымақтастық жөніндегі проректоры Буди Соенджипто мәлімдеді.

ҚазҰУ Электрисите де Франс (EDF) компаниясымен бірлесе ақылды кампус жобасын қолға алады. Бұл ұсынысты ҚазҰУ ректоры Ғалым Мұтанов EDF Еуропалық Энергетикалық зерттеулер институтының директоры Паскаль Террьенмен кездесу барысында айтты.

Ұлттық университеттің әл-Фараби кітапханасында атақты үнді ғалымы, Дели университетінің профессоры, Мырза Мұхаммед Хайдар Дулати туралы кітаптың авторы Мансура Хайдармен кездесу өтті. Оны тарих, археология және этнология факультеті ұйымдастырды.

Валетта қаласында (Мальта) «Жоғары білім берудегі толеранттылық бағытындағы академиялық үдерістер» атты алғашқы халықаралық симпозиум өтті. Әлемнің барлық континенттеріндегі елдердің өкілдері қатысқан шараны Мальта Президенті Джордж Велланың қолдауымен Толеранттылық пен бейбітшілік жөніндегі жаһандық кеңес ұйымдастырды.

ҚазҰУ-да Жоғары оқу орнына дейінгі дайындық факультетінің (2011 ж.), Журналистика факультетінің (2015 ж.) түлегі Саид Самим Фарамарзға арналған «Ауғанстандағы журналистика» атты Қазақстандағы ауған жастары күні өтті.

Ө. Жолдасбеков атындағы Студенттер сарайында Қазақстан халық жазушысы, КСРО Мемлекеттік сыйлығының иегері Әбдіжәміл Нүрпейісовтің 95 жылдығына арналған «Әбдіжәміл Нүрпейісов әдеби әлемі» атты шығармашылық кеш өтті.