Жаңалықтар

2018 жылдың 17 мамырында Астана экономикалық форумының (АЭФ) алаңында әл-Фараби атындағы ҚазҰУ Пан Ги Мун атындағы Тұрақты даму институтын ашты. Бұл шешім университеттің тұрақты даму саласындағы көшбасшылық қызметінің нәтижесі негізінде жарияланды.

ҚазҰУ ректоры Ғалым Мұтанов «Clarivate Analytics» компаниясының Ресей және ТМД мемлекеттері бойынша басқарушы директоры Олег Уткинмен кездесті. Кездесу барысында О.Уткин Қазақстан Республикасы Ұлттық ғылым академиясының хабаршы журналының физика-математика сериясының бас редакторы Ғ.Мұтановқа аталмыш журналдың «Clarivate Analytics» платформасының «Emerging Sources Citation Index» базасына енгеніне байланысты арнайы сертификат табыстады.

Филология және әлем тілдері факультетінде «Шет тілі:  екі шет тілі» мамандығының І курс студенттері арасында латын тілінен “Veni.Vidi.Vici” атты сайыс өткізілді.

Еліміздегі үздік жоғарғы оқу орындар көшін әл-Фараби атындағы Қазақ ұлттық университеті бастап тұр. Аккредиттеу және рейтингтің тәуелсіз агенттігі (АРТА) Қазақстанның үздік жоғары оқу орындарын анықтады.

ҚазҰУ-да Северанс ауруханасымен бірлесіп 500 орынға арналған клиникалық орталық ашу жоспарлануда. Бұл туралы ҚазҰУ ректоры Ғалым Мұтанов Северанс ауруханасының бас директоры Ли Бён Сокпен кездесу барысында келісімге қол қойды.

Филология және әлем тілдері факультетінде «Жас лингвист» клубының жұмысы аясында «Үздік лингвист 2018» зияткерлік олимпиадасы болып өтті.

«Экономика және бизнес жоғары мектебінің» «Менеджмент және маркетинг» кафедрасының  менеджер және логистер мамандығының 2-курс студенттері мен оқытушылары  «Green Campus» жобасы аясында кампус аумағындағы  өсімдіктерді көшіріп отырғызуға байланысты  кезекті акция шарасын өткізді.

 РФ Саратов мемлекеттік заң академиясында ағылшын тілінде заң мамандықтары бойынша студенттерге арналған халықаралық келіссөздер жүргізу байқауы өткізілді. Қазіргі уақытта РХДУ-да қос дипломды бағдарлама бойынша оқитын әл-Фараби атындағы ҚазҰУ «Халықаралық құқық» мамандығының 1-курс магистранты Сыбанабаева Назерке аталмыш байқауға қатысып, 1 орын иегері атанды және Ұлыбританиядағы Халықаралық байқауға қатысу мүмкіндігіне ие болды.

Алматы қаласында қазақ халқы ұлықтайтын ұлттық ойын Көкпардан жоғарғы оқу орындарынан студенттік командалар қатысқан айтулы жарыс өтті. Аталмыш жарыс «Алаш» стадионында өтті. Есептік нәтижеде әл-Фараби атындағы ҚазҰУ-дың намысын қорғаған атқамінерлер екінші орынды қанжығаларына байлады.

Әл-Фараби атындағы Қазақ ұлттық университетінде Қазақстан Республикасының Сыртқы істер министрі Қайрат Әбдірахманов университеттің оқытушы-профессорлар құрамымен және студенттерімен кездесті. Кездесу бағдарламасы аясында бірінші қазақ дипломаты, көрнекті саяси және қоғам қайраткері тіл маманы және дипломат, Кеңес Одағының Сауд Арабиясындағы бірінші Елшісі Нәзір Төреқұлов есіміне арналған аудиторияның ашылуы болды.