Жоғарғы медицина мектебі ашылды

ҚазҰУ кітапханасының үлкен залында жоғарғы медицина мектебінің ашылу салтанаты өтті.

Салтанатты шараға Турция, Иран, Тәжікстан, Ирак, Палестина елдерінен келген 42 студент «White coat ceremony- 2018» дәстүрлі ақ халат кию рәсіміне қатысты.

Ашылуда сөз алған оқу ісі жөніндегі проректор Асқар Хикметов «Университетіміз медициналық бағытты дамытуда Азиядағы және әлемдегі жетекші жоғары оқу орындары болып саналатын әрі Оңтүстік Кореядағы үздік үштікке кіретін Сеул және Иёнсе университеттерімен берік байланыс орнатқан. Соңғы жылдары біздің университет медицина саласында білім берудің барлық деңгейлерінде мамандар даярлауды қолға алып, бұл саланы дамытуға барынша үлес қосуда. Қазіргі таңда әлем бойынша Оңтүстік Корея денсаулық сақтау саласында алдыңғы қатарда болғандықтан ҚДСМ-нің білім беру бағдарламалары осы елдің тәжірибесіне сүйеніп жасалып отыр», – деді проректор.

Адам денсаулығын сақтау мен нығайту, аурудың алдын алу, оның жұмысқа қабілеттілігі мен адамзатты ұзақ өмір сүруге жеткізу медицинаның басты заңдылығы деген жиынға қатысушылар студенттерге дәрігер мамандығының жауапкершілігі туралы айтып берді. Сондай-ақ 1 курс студенттері университет дәстүрін сақтауға, дәрігер мамандағының уәдесінде тұруға және денсаулық сақтау саласында нағыз маман иесі болуға ант беріп, салтанатты шара әлемнің барлық медицина университеттеріндегі дәстүрге сәйкес «White coat ceremony» атты ақ халат кию рәсіміне ұласты.

Медицина және денсаулық сақтау факультеті

www.kaznu.kz