Біздің студенттер Елбасының шәкіртақысын иеленді

Қазақстан Республикасы Тұңғыш Президенті – Елбасы Қорының студенттік шәкіртақысын іріктеуге арналған республикалық байқаудың жеңімпаздары қатарында ҚазҰУ студенттері бар.

Ағымдағы жылы байқауға еліміздің 40 жоғары оқу орындарынан 500-ден астам студент өтінім берген. Студенттер жоғары академиялық үлгерім, оқу орнының ғылыми, әлеуметтік және шығармашылық өміріндегі жетістіктері бойынша іріктеу критерийлерінен өтті. Конкурстық іріктеу негізінде жоғары нәтиже көрсеткен 80 студентті ҚР Тұңғыш Президенті – Елбасы Қорының шәкіртақы иегерлері етіп бекітті. Өнер және мәдениет саласында білім беретін оқу орындары 35 шәкіртақыға ие болса, басқа жоғары оқу орындарына 45 шәкіртақы тағайындалды.

Әл-Фараби атындағы ҚазҰУ шәкіртақы алушылардың саны бойынша Қазақстан жоғары оқу орындары арасында көшбасшылыққа ие болуы, бұл кезекті рет университеттің білім алушыларына оқу, ғылыми және әлеуметтік-тәрбие саласындағы жоғары талаптардың айқын дәлелі. Айта кету керек, ҚазҰУ-да Шығыстың ұлы философы әл-Фарабидің ізгілікке толы қоғам туралы идеясына негізделген университеттің 4.0 даму үлгісі жүзеге асырылуда. Бұл үлгі төрт негізгі білім беру, зерттеу, инновациялық-кәсіпкерлік және рухани-адамгершілік сынды құрамдас бөлікті біріктіреді. ҚР Тұңғыш Президенті – Елбасы Қорының шәкіртақысын иеленгендер қатарында Дәулетбаева Ақгүл, Шамет Диана, Маканова Аселя, Круговых Илья, Жұматай Арай және Қастай Дастан бар.

www.kaznu.kz