Францияның профессоры ҚазҰУ-да

Әл-Фараби атындағы ҚазҰУ-дың халықаралық қатынастар факультетінде Пуатье университетінің профессоры (Франция) Лиша Бажинимен кездесу өткізілді.

Факультеттің деканы С. Айдарбаев мейманды қарсы алып, бүгінде Франция – университеттеріміз арасында өте тығыз серіктестік қарым-қатынастар орнатылған елдердің бірі, жетекші француздық ғалымдар ҚазҰУ-ға дәріс оқуға келіп, PhD докторанттарға ғылыми жетекшілік етуде екендігіне тоқталды. «Біздің университеттер арасындағы білім және ғылым саласындағы осындай жемісті ынтымақтастық одан әрі нығая түсетіндігіне сенімдімін», - деп атап өтті декан.

Студенттер, магистранттар және докторанттармен кездесу барысында профессор Лихи Бажини Пуатье университетінің білім беру бағдарламалары, студенттермен академиялық алмасу мүмкіндіктері, ғылыми тағылымдамалар және жазғы мектептің бағдарламалары туралы таныстырып өтті.

Кездесу соңында мейман студенттердің қызығушылығын тудырған сұрақтарға жауап беріп, қызықты әрі мазмұнды дәрісі үшін олардың шынайы ризашылығына ие болды.

Пуатье университеті көп ғасырлық тарихы бар алдыңғы қатарлы франциялық университеттердің бірі. ҚазҰУ осы елдің жетекші жоғары оқу орнындарымен тығыз ынтымақтасуда, сонымен бірге академиялық алмасу және халықаралық білім беру бағдарламалары аясында мамандарды бірлесіп оқыту іске асырылуда.

www.kaznu.kz