Жеңімпаздар Дубайға жолдама ұтып алды

Ө.Жолдасбеков атындағы студенттер сарайында Әл-Фараби атындағы Қазақ Ұлттық Университеті, «Сұңқар» студенттер мен магистранттар кәсіподағының ұйымдастыруымен жыл сайын дәстүрлі түрде өтетін «SSP квн» ойындары биыл ауқымды түрде аталып өтілді.

«Алдымен, ҚазҰУ ректоры Ғалым Мұтанұлына, одан соң бас демеуші «Bugin Group» холдингіне және «Zheka’s doner house», «inmode» сән үйіне, «alfa production» сынды бірқатар қолдау білдірушілерге шексіз алғысымызды білдіреміз,» - деп «ssp» жобасының шымылдығы ашылды. Айта кететін жайт, жобаның ерекшелігі  ҚазҰУ-ға 85 жыл және басты ұйымдастырушы «Сұңқар» студенттер мен магистранттар кәсіподағына 20 жыл толуы болып отыр.

Құрамалар толық таныстырылып, қазылар алқасы анықталды. Факультеттер арасында өткен ойынның «гранд финалында» бақ сынағандар қатарында Филология және әлем тілдері факультеті, География және табиғатты пайдалану факультеті, Журналистика факультеті, Физика-техникалық факультет және Шығыстану факультеттері болды.

Сайыс үш кезеңнен тұрды. Бірінші кезең, «сәлемдесу», екінші кезең, «логикалық сұрақ-жауап» және соңғы «жұлдызбен үй тапсырмасы». Үш кезеңде де тақырып жағынан жастарға еркіндік берілді. Бірі жеңіл әзілмен, бірі астарлы әзілдерімен залды күлдіруге тырысып бақты. Дегенмен, топ жарып физика-техникалық факультетінен құралған «Физтех» командасы шықты. Ұпай жағынан да, халықтың қошеметі жағынан да ешкімге дес бермеген команданың капитаны Елнұр Абылбекұлы ойынның жоғары деңгейде өткендігін айтты.

Жоба нәтижесінде жүлделі III орынды филология және әлем тілдері факультеті, "Brand” командасы еншіліп, Шарын шатқалына жолдама алды. II орынды география және табиғатты пайдалану факультетінің "Эверест" командасы иеленді. Бұл командаға "Ыстықкөл" спорттық-сауықтыру орталығына жолдама бұйырды. 2019 жылдың “Smart student’s Project” жобасының жеңімпаз командасы физика-теxникалық факультетінің "Физтеx құрамасы" болды. Жеңімпаз команда "BuginGroup” xолдингі ұсынған 200 000 теңгені қанжығаларына байлады. “Сұңқар кубогы" Smart student’s project чемпионатында жүлделермен қатар номинациялар табыс етілді. "Ең үздік ойыншы" номинациясымен шығыстану факультеті, "Музыканттың қойын дәптері" командасының ойыншысы Ермаxан Шыңғыс ие болып, Дубай қаласына жолдама алды. «Miss SSP» номинациясын Фадеева Марина еншілеп, «Rozaline jewerly» зергерлік үйінің сыйлығына ие болды. «Mister SSP» номинациясын Нұрлыбек Жаппар, «Coolwatch lordtimes» ұсынған арнайы сыйлыққа ие болды. «Үздік капитан» номинациясына «Ақпен бірге» командасының капитаны Рахимбаева Лаура ие болып, Нұр-Сұлтан қаласына жолдама алды.

www.kaznu.kz