Әл-Фараби атындағы Қазақ ұлттық университетінің Басқарма Төрағасы – Ректоры Жансейіт Түймебаев Лондонға жұмыс сапары аясында King’s College London колледжінде оқитын ҚазҰУ докторанттарымен жүздесті.
Әңгіме барысында биология және биотехнология факультетінің 3-курс докторанттары Б.Гениевская мен М.Ермағамбетова Норвич қаласындағы Джон Иннес орталығында өтіп жатқан оқу және ғылыми-зерттеу жұмыстары туралы баяндады.
![](/content/images/news/91480.jfif)
Айта кетсек, Лондон корольдік колледжі – Англиядағы ең ірі және беделді университеттердің бірі. Ол 1829 жылы құрылды және әлемдегі білім беру және ғылыми қызмет саласындағы жетекші университеттердің бірі ретінде танылды. Университет студенттер саны бойынша Ұлыбританияда 12-орында (33 000).
![](/content/images/news/91476.jfif)
Сонымен қатар кездесу барысында Жансейіт Түймебаев докторанттардың Кингс колледжіндегі оқу және тұрмыс жағдайларына қанықты.
![](/content/images/news/91474.jfif)
Университет басшысы білім алушыларға арнаған сөзінде ҚазҰУ әлемдік ғылыми-білім беру кеңістігіне ене отырып, жоғары білікті және бәсекеге қабілетті мамандар даярлап шығаруы тиіс екеніне назар аударды.
![](/content/images/news/91477.jfif)
Бұл үшін жоғары оқу орны барлық жағдайлар мен мүмкіндіктерді жасап отыр, ҚазҰУ білім алушылары оны дұрыс пайдалануы және өз елінің өркендеуі үшін барлық күш-жігерін жұмсауы тиіс.
![](/content/images/news/91479.jfif)
Әл-Фараби атындағы ҚазҰУ-дың Баспасөз қызметі