SUN Бас хатшысы ҚазҰУ студенттеріне дәріс өткізді

Әл-Фараби атындағы ҚазҰУ-да Ханкук шет тілдер университетінің профессоры (Оңтүстік Корея), Жібек жолы университеттері желісінің (SUN) Бас хатшысы доктор Хван Сундон Шығыстану факультетінің студенттеріне арнайы дәріс оқыды.

Профессор Хван Сундон халықаралық зерттеулерге маманданған және Сеулдегі Ханкук университетінің мемлекеттік басқару кафедрасында сабақ береді. Хван Сундон АҚШ-тағы Миннесота университетінде докторлық дәрежесін алды. Оның Корея үкіметінде мемлекеттік реформа және әлеуметтік қамсыздандыру саясаты саласында үлкен тәжірибесі бар. Ол саяси ғылымдар, басқару және коммуникация факультетінің деканы және әлеуметтік ғылымдар институтының директоры сияқты қызметтерде болды.

Спикер дәрісті ағылшын тілінде өткізді. Дәріс тақырыбы: «Университеттер Жібек жолында бірлесе отырып өркендеуге және бейбіт өмір сүруге қалай үлес қоса алады: SUN (Жібек жолы университеттерінің желісі) мысалында». Профессор Хван Сундон SUN қызметі және ғылыми-білім беру процесінің және жалпы қоғамның жаһандық дамуына әсер ететін университеттердің рөлі туралы егжей-тегжейлі баяндады.

Сондай-ақ, дәріскер болашақ әлемдік көшбасшыларды және зиялы қауымның институционалдық формасын қалыптастыру үшін жас ұрпақты тәрбиелеудегі, әмбебаптыққа ұмтылудағы және әлемнің мәдени әртүрлілігін құрметтеудегі университеттердің рөлін атап өтті.

Дәрісінің соңында Бас хатшы Хван Сундонг SUN Silk Road университеттерінің желісі ұйымның серіктес университеттердегі және одан тыс жерлерде Жібек жолының құндылығын жаңдандыруға және әлемнің гүлденуіне жаңа жолға айналдыру бағытталған зияткерлік күш-жігерін қолдайтын кез келген ұсыныстар мен ескертулерді құптайтынын атап өтті.

ҚазҰУ мен SUN ынтымақтастығы аясында өткен дәріс барысында профессор студенттер мен оқытушылардың көптеген сұрақтарына жауап берді.

 Әл-Фараби атындағы ҚазҰУ Баспасөз қызметі