ҚазҰУ студенттерінің жеңісі

Әл-Фараби атындағы Қазақ ұлттық университетінің география және табиғатты пайдалану факультетінің магистранттары Қытай Халық Республикасының Гуанжоу қаласындағы Гуандун политехникалық индустрия және коммерция университетінде алғаш рет өткен Халықаралық Олимпиадада 2-орын алды. Бұл конференцияда Орталық Азиядан 9 мемлекеттің студенттері қатысты.

Халықаралық Олимпиада екі этаппен өтті. Бірінші этапта далалық геодезиялық жұмыстар жүргізілді, онда Тагаев Рустам мен Бегимжанова Еркежан жоғарғы дәлдікті геодезиялық түсірісті соңғы кезеңнің электронды аспаптарын пайдаланып, арнайы берілген уақытпен орындады.

Екінші этапта орындалған түсіріс арқылы жергілікті жердің 3D планын алу үшін арнайы бағдарламалармен камералдық өңдеу жүргізілді.

Осы олимпиаданы өткізуге демеушісі фирма «SOUTH» өте жақсы нәтиже көрсеткендері үшін әл-Фараби атындағы Қазақ ұлттық университетінің география және табиғатты пайдалану факультетінің магистранттарын атап өтті, ал жетекшісі Байдаулетова Гүлбан Құттыбайқызына ГЕОДЕЗИЯ саласында болашақ сапалы мамандар дайындағаны үшін алғыстарын айтты және Қазақ ұлттық университетіне өздері жасап шығарған қымбат жоғарғы дәлдікті электронды тахеометр сыйлады.

www.kaznu.kz