• ғылыми - педагогикалық бағыт - философия докторы (PhD)

1. Қазіргі әлеуметтану парадигмаларының негізгі идеяларын, әлемдік және отандық әлеуметтану ғылымының даму тенденциялары мен бағыттарын түсіндіру, олардың негізінде өзіндік концептуалды негіз құру;
2. Өз бетінше әлеуметтанулық зерттеудің жобасын әзірлеу – зерттеу сұрақтарын қою, зерттеу кезеңдерін ұйымдастыру, ғылыми зерттеудің стратегиясы мен әдістерін анықтау, мәліметтерді талдау әдістерін жобалау;
3. Мониторинг және диагностика, әлеуметтік, экономикалық, саяси, мәдени құбылыстар мен қатынастарды модельдеу, әлеуметтік саясат пен тұрақты даму бағдарламаларын әзірлеу үшін сапалық және сандық әлеуметтанулық зерттеулердің заманауи әдістерін қолдану;
4. Қазіргі қоғамды жаңғыртудың, жаһандық, аймақтық және жергілікті әлеуметтік-экономикалық және саяси, мәдени-саяси институттар мен процестердің трансформациясының ерекшеліктері мен негізгі тенденцияларын бағалау;
5. Математикалық талдау әдістерін, регрессиялық және көп нұсқалы статистикалық әдістерді қолдану, статистикалық мәліметтерді өңдеуге арналған заманауи бағдарламалық пакеттерді (SPSS және т.б.) пайдалана отырып, социологиялық деректерді талдау дағдыларын меңгеру;
6. Ғылыми ақпаратты және дербес ғылыми зерттеулердің нәтижелерін алу, өңдеу, жүйелеу, талдау және сақтау, мәліметтерді визуализациялау және оларды баяндамалар мен презентациялар түрінде көрсету үшін заманауи ақпараттық технологияларды және арнайы компьютерлік бағдарламаларды қолдану;
7. Ғылыми жазу және ғылыми қарым-қатынас мәдениетін көрсете отырып, ғылыми мәселелер мен ғылыми зерттеулердің нәтижелерін ұлттық және халықаралық деңгейде баяндамалар, мақалалар және басқа да жарияланымдар, жобалар, баяндамалар, докторлық диссертациялар түрінде дәлелді ұсыну;
8. Кәсіби білімді тереңдету, дүниетанымы мен кәсіби мәдениетін дамыту, білім мен ғылымның заманауи және инновациялық технологияларын меңгеруді талап ететін ғылыми-педагогикалық қызметтің міндеттерін өз бетінше шешу.