• ғылыми - педагогикалық бағыт - жаратылыстану ғылымдарының магистрі

1. жоспарлау мен болжаудың заманауи әдістерін қолдана отырып, табиғи және техногендік ландшафттарды оңтайлы пайдалану және басқару схемаларын жасау;
2. табиғи және техногенді ландшафттардың, су, жер және минерал ресурстарының экологиялық жай-күйін, оларды басқару жүйесінің тиімділігін бағалау, оларды қорғау және ұтымды пайдалану жөніндегі іс-шараларды әзірлеу;
3. табиғи ресурстарды пайдалану және қалпына келуінің қарқынын талдау негізінде оларды пайдалануды жоспарлау және болжау;
4. қабылданған шешімдерді негіздеу үшін табиғи және табиғи-техногендік объектілердің жай-күйін бағалау бойынша ғылыми зерттеулер жүргізу кезінде геоэкологиялық ақпаратты зерттеудің, түсіндірудің және өңдеудің заманауи әдістерін өз бетінше пайдалану;
5. зерттеу саласы бойынша ғылыми әдебиеттерді жүйеге келтіру және зерттеу деректерін отандық және шетелдік ғылыми басылымдарда жариялап түсіндіру;
6. қоршаған ортаның жай-күйін бақылау мен бағалаудың заманауи құралдарын пайдалана отырып, экологиялық жобалау құжаттамасын әзірлеу;
7. заманауи әдістерді қолдана отырып, техногендік жүйелердің экологиялық тәуекелін бағалау рәсімін ұйымдастыру, бағалау нәтижелерін талдау және тәуекелді қабылдауға болатыны туралы қорытынды жасау;
8. табиғи объектілердің жай-күйін бағалау және болжау үшін ГАЖ технологияларын пайдалана отырып, олардың жай-күйін модельдеу әдістері мен тәсілдерін қолдану;
9. ҚЖT анықтамалықтары мен заманауи "жасыл" технологияларды талдау негізінде қоршаған ортаны қорғау шараларын әзірлеу;
10. табиғи ортаны сақтау бойынша практикалық ұсынымдар әзірлеу үшін табиғат қорғау іс-шараларын, оның ішінде қалдықтарды қайта өңдеу, бұзылған жерлерді қалпына келтіру, ластанған суларды тазарту және атмосфералық ауаны сауықтыру жөніндегі іс-шараларды жүйелеу;
11. қоғамның экологиялық тұрақты дамуының және «жасыл экономиканың» мақсаттарына қол жеткізу мүмкіндігін бағалау және талдау үшін елдің тұрақты даму көрсеткіштерін түсіндіру;
12. ғылымның, қазақстандық қоғамның және экономиканың даму факторларын талдау үшін ғылыми-тарихи және философиялық білімді интерпретациялау және шығармашылықпен пайдалану; сабақтар мен тәрбие іс-шараларын өткізу кезінде заманауи педагогикалық технологиялар мен тәсілдерді пайдалану; жеке өмірде және кәсіби қызметте тиімді шешімдер, коммуникациялар қабылдау үшін психологиялық білімді қолдану.